𑁩𑁩𑁧. 𑀓𑁄𑀓𑀺𑀮𑀚𑀸𑀢𑀓𑀁 (𑁪-𑁪-𑁧)

𑁧𑁨𑁧. 𑀬𑁄 𑀯𑁂 𑀓𑀸𑀮𑁂 𑀅𑀲𑀫𑁆𑀧𑀢𑁆𑀢𑁂, 𑀅𑀢𑀺𑀯𑁂𑀮𑀁 𑀧𑀪𑀸𑀲𑀢𑀺;

𑀏𑀯𑀁 𑀲𑁄 𑀦𑀺𑀳𑀢𑁄 𑀲𑁂𑀢𑀺, 𑀓𑁄𑀓𑀺𑀮𑀸𑀬𑀺𑀯 𑀅𑀢𑁆𑀭𑀚𑁄.

𑁧𑁨𑁨. 𑀦 𑀳𑀺 𑀲𑀢𑁆𑀣𑀁 𑀲𑀼𑀦𑀺𑀲𑀺𑀢𑀁, 𑀯𑀺𑀲𑀁 𑀳𑀮𑀸𑀳𑀮𑀸𑀫𑀺𑀯 [𑀳𑀮𑀸𑀳𑀮𑀁 𑀇𑀯 (𑀧𑀻.)];

𑀏𑀯𑀁 𑀦𑀺𑀓𑀝𑁆𑀞𑁂 [𑀦𑀺𑀓𑁆𑀓𑀟𑁆𑀠𑁂 (𑀲𑁆𑀬𑀸.), 𑀦𑀺𑀓𑀟𑁆𑀠𑁂 (𑀓.)] 𑀧𑀸𑀢𑁂𑀢𑀺, 𑀯𑀸𑀘𑀸 𑀤𑀼𑀩𑁆𑀪𑀸𑀲𑀺𑀢𑀸 𑀬𑀣𑀸.

𑁧𑁨𑁩. 𑀢𑀲𑁆𑀫𑀸 𑀓𑀸𑀮𑁂 𑀅𑀓𑀸𑀮𑁂 𑀯𑀸 [𑀅𑀓𑀸𑀮𑁂 𑀘 (𑀲𑀻. 𑀲𑁆𑀬𑀸.)], 𑀯𑀸𑀘𑀁 𑀭𑀓𑁆𑀔𑁂𑀬𑁆𑀬 𑀧𑀡𑁆𑀟𑀺𑀢𑁄;

𑀦𑀸𑀢𑀺𑀯𑁂𑀮𑀁 𑀧𑀪𑀸𑀲𑁂𑀬𑁆𑀬, 𑀅𑀧𑀺 𑀅𑀢𑁆𑀢𑀲𑀫𑀫𑁆𑀳𑀺 𑀯𑀸.

𑁧𑁨𑁪. 𑀬𑁄 𑀘 𑀓𑀸𑀮𑁂 𑀫𑀺𑀢𑀁 𑀪𑀸𑀲𑁂, 𑀫𑀢𑀺𑀧𑀼𑀩𑁆𑀩𑁄 𑀯𑀺𑀘𑀓𑁆𑀔𑀡𑁄;

𑀲𑀩𑁆𑀩𑁂 𑀅𑀫𑀺𑀢𑁆𑀢𑁂 𑀆𑀤𑁂𑀢𑀺, 𑀲𑀼𑀧𑀡𑁆𑀡𑁄 𑀉𑀭𑀕𑀸𑀫𑀺𑀯𑀸𑀢𑀺.

𑀓𑁄𑀓𑀺𑀮𑀚𑀸𑀢𑀓𑀁 [𑀓𑁄𑀓𑀸𑀮𑀺𑀓𑀚𑀸𑀢𑀓𑀁 (𑀲𑀩𑁆𑀩𑀢𑁆𑀣)] 𑀧𑀞𑀫𑀁.