𑁩𑁧𑁬. 𑀲𑀲𑀧𑀡𑁆𑀟𑀺𑀢𑀚𑀸𑀢𑀓𑀁 (𑁪-𑁨-𑁬)

𑁬𑁧. 𑀲𑀢𑁆𑀢 𑀫𑁂 𑀭𑁄𑀳𑀺𑀢𑀸 𑀫𑀘𑁆𑀙𑀸, 𑀉𑀤𑀓𑀸 𑀣𑀮𑀫𑀼𑀩𑁆𑀪𑀢𑀸;

𑀇𑀤𑀁 𑀩𑁆𑀭𑀸𑀳𑁆𑀫𑀡 𑀫𑁂 𑀅𑀢𑁆𑀣𑀺, 𑀏𑀢𑀁 𑀪𑀼𑀢𑁆𑀯𑀸 𑀯𑀦𑁂 𑀯𑀲.

𑁬𑁨. 𑀤𑀼𑀲𑁆𑀲 𑀫𑁂 𑀔𑁂𑀢𑁆𑀢𑀧𑀸𑀮𑀲𑁆𑀲, 𑀭𑀢𑁆𑀢𑀺𑀪𑀢𑁆𑀢𑀁 𑀅𑀧𑀸𑀪𑀢𑀁;

𑀫𑀁𑀲𑀲𑀽𑀮𑀸 𑀘 𑀤𑁆𑀯𑁂 𑀕𑁄𑀥𑀸, 𑀏𑀓𑀜𑁆𑀘 𑀤𑀥𑀺𑀯𑀸𑀭𑀓𑀁;

𑀇𑀤𑀁 𑀩𑁆𑀭𑀸𑀳𑁆𑀫𑀡 𑀫𑁂 𑀅𑀢𑁆𑀣𑀺, 𑀏𑀢𑀁 𑀪𑀼𑀢𑁆𑀯𑀸 𑀯𑀦𑁂 𑀯𑀲.

𑁬𑁩. 𑀅𑀫𑁆𑀩𑀧𑀓𑁆𑀓𑀁 𑀤𑀓𑀁 [𑀅𑀫𑁆𑀩𑀧𑀓𑁆𑀓𑁄𑀤𑀓𑀁 (𑀲𑀻. 𑀧𑀻.)] 𑀲𑀻𑀢𑀁, 𑀲𑀻𑀢𑀘𑁆𑀙𑀸𑀬𑀸 𑀫𑀦𑁄𑀭𑀫𑀸 [𑀲𑀻𑀢𑀘𑁆𑀙𑀸𑀬𑀁 𑀫𑀦𑁄𑀭𑀫𑀁 (𑀲𑀻. 𑀲𑁆𑀬𑀸. 𑀧𑀻.)];

𑀇𑀤𑀁 𑀩𑁆𑀭𑀸𑀳𑁆𑀫𑀡 𑀫𑁂 𑀅𑀢𑁆𑀣𑀺, 𑀏𑀢𑀁 𑀪𑀼𑀢𑁆𑀯𑀸 𑀯𑀦𑁂 𑀯𑀲.

𑁬𑁪. 𑀦 𑀲𑀲𑀲𑁆𑀲 𑀢𑀺𑀮𑀸 𑀅𑀢𑁆𑀣𑀺, 𑀦 𑀫𑀼𑀕𑁆𑀕𑀸 𑀦𑀧𑀺 𑀢𑀡𑁆𑀟𑀼𑀮𑀸;

𑀇𑀫𑀺𑀦𑀸 𑀅𑀕𑁆𑀕𑀺𑀦𑀸 𑀧𑀓𑁆𑀓𑀁, 𑀫𑀫𑀁 [𑀫𑀁𑀲𑀁 (𑀓.)] 𑀪𑀼𑀢𑁆𑀯𑀸 𑀯𑀦𑁂 𑀯𑀲𑀸𑀢𑀺.

𑀲𑀲𑀧𑀡𑁆𑀟𑀺𑀢𑀚𑀸𑀢𑀓𑀁 𑀙𑀝𑁆𑀞𑀁.