𑁩𑁦𑁩. 𑀏𑀓𑀭𑀸𑀚𑀚𑀸𑀢𑀓𑀁 (𑁪-𑁧-𑁩)

𑁯. 𑀅𑀦𑀼𑀢𑁆𑀢𑀭𑁂 𑀓𑀸𑀫𑀕𑀼𑀡𑁂 𑀲𑀫𑀺𑀤𑁆𑀥𑁂, 𑀪𑀼𑀢𑁆𑀯𑀸𑀦 𑀧𑀼𑀩𑁆𑀩𑁂 𑀯𑀲𑀻 𑀏𑀓𑀭𑀸𑀚;

𑀲𑁄 𑀤𑀸𑀦𑀺 𑀤𑀼𑀕𑁆𑀕𑁂 𑀦𑀭𑀓𑀫𑁆𑀳𑀺 𑀔𑀺𑀢𑁆𑀢𑁄, 𑀦𑀧𑁆𑀧𑀚𑁆𑀚𑀳𑁂 𑀯𑀡𑁆𑀡𑀩𑀮𑀁 𑀧𑀼𑀭𑀸𑀡𑀁.

𑁧𑁦. 𑀧𑀼𑀩𑁆𑀩𑁂𑀯 𑀔𑀦𑁆𑀢𑀻 𑀘 𑀢𑀧𑁄 𑀘 𑀫𑀬𑁆𑀳𑀁, 𑀲𑀫𑁆𑀧𑀢𑁆𑀣𑀺𑀢𑀸 𑀤𑀼𑀩𑁆𑀪𑀺𑀲𑁂𑀦 [𑀤𑀩𑁆𑀩𑀲𑁂𑀦𑀸 (𑀲𑀻. 𑀧𑀻.)] 𑀅𑀳𑁄𑀲𑀺;

𑀢𑀁 𑀤𑀸𑀦𑀺 𑀮𑀤𑁆𑀥𑀸𑀦 𑀓𑀣𑀁 𑀦𑀼 𑀭𑀸𑀚, 𑀚𑀳𑁂 𑀅𑀳𑀁 𑀯𑀡𑁆𑀡𑀩𑀮𑀁 𑀧𑀼𑀭𑀸𑀡𑀁.

𑁧𑁧. 𑀲𑀩𑁆𑀩𑀸 𑀓𑀺𑀭𑁂𑀯𑀁 𑀧𑀭𑀺𑀦𑀺𑀝𑁆𑀞𑀺𑀢𑀸𑀦𑀺, 𑀬𑀲𑀲𑁆𑀲𑀺𑀦𑀁 𑀧𑀜𑁆𑀜𑀯𑀦𑁆𑀢𑀁 𑀯𑀺𑀲𑀬𑁆𑀳;

𑀬𑀲𑁄 𑀘 𑀮𑀤𑁆𑀥𑀸 𑀧𑀼𑀭𑀺𑀫𑀁 𑀉𑀴𑀸𑀭𑀁, 𑀦𑀧𑁆𑀧𑀚𑁆𑀚𑀳𑁂 𑀯𑀡𑁆𑀡𑀩𑀮𑀁 𑀧𑀼𑀭𑀸𑀡𑀁.

𑁧𑁨. 𑀧𑀦𑀼𑀚𑁆𑀚 𑀤𑀼𑀓𑁆𑀔𑁂𑀦 𑀲𑀼𑀔𑀁 𑀚𑀦𑀺𑀦𑁆𑀤, 𑀲𑀼𑀔𑁂𑀦 𑀯𑀸 𑀤𑀼𑀓𑁆𑀔𑀫𑀲𑀬𑁆𑀳𑀲𑀸𑀳𑀺;

𑀉𑀪𑀬𑀢𑁆𑀣 𑀲𑀦𑁆𑀢𑁄 𑀅𑀪𑀺𑀦𑀺𑀩𑁆𑀩𑀼𑀢𑀢𑁆𑀢𑀸, 𑀲𑀼𑀔𑁂 𑀘 𑀤𑀼𑀓𑁆𑀔𑁂 𑀘 𑀪𑀯𑀦𑁆𑀢𑀺 𑀢𑀼𑀮𑁆𑀬𑀸𑀢𑀺.

𑀏𑀓𑀭𑀸𑀚𑀚𑀸𑀢𑀓𑀁 𑀢𑀢𑀺𑀬𑀁.