𑁩𑁦𑁪. 𑀤𑀤𑁆𑀤𑀭𑀚𑀸𑀢𑀓𑀁 (𑁪-𑁧-𑁪)

𑁧𑁩. 𑀇𑀫𑀸𑀦𑀺 𑀫𑀁 𑀤𑀤𑁆𑀤𑀭 𑀢𑀸𑀧𑀬𑀦𑁆𑀢𑀺, 𑀯𑀸𑀘𑀸𑀤𑀼𑀭𑀼𑀢𑁆𑀢𑀸𑀦𑀺 𑀫𑀦𑀼𑀲𑁆𑀲𑀮𑁄𑀓𑁂;

𑀫𑀡𑁆𑀟𑀽𑀓𑀪𑀓𑁆𑀔𑀸 𑀉𑀤𑀓𑀦𑁆𑀢𑀲𑁂𑀯𑀻, 𑀆𑀲𑀻𑀯𑀺𑀲𑀁 𑀫𑀁 𑀅𑀯𑀺𑀲𑀸 𑀲𑀧𑀦𑁆𑀢𑀺.

𑁧𑁪. 𑀲𑀓𑀸 𑀭𑀝𑁆𑀞𑀸 𑀧𑀩𑁆𑀩𑀸𑀚𑀺𑀢𑁄, 𑀅𑀜𑁆𑀜𑀁 𑀚𑀦𑀧𑀤𑀁 𑀕𑀢𑁄;

𑀫𑀳𑀦𑁆𑀢𑀁 𑀓𑁄𑀝𑁆𑀞𑀁 𑀓𑀬𑀺𑀭𑀸𑀣, 𑀤𑀼𑀭𑀼𑀢𑁆𑀢𑀸𑀦𑀁 [𑀤𑀼𑀭𑀼𑀢𑁆𑀢𑀸𑀦𑀺 (𑀓.)] 𑀦𑀺𑀥𑁂𑀢𑀯𑁂.

𑁧𑁫. 𑀬𑀢𑁆𑀣 𑀧𑁄𑀲𑀁 𑀦 𑀚𑀸𑀦𑀦𑁆𑀢𑀺, 𑀚𑀸𑀢𑀺𑀬𑀸 𑀯𑀺𑀦𑀬𑁂𑀦 𑀯𑀸;

𑀦 𑀢𑀢𑁆𑀣 𑀫𑀸𑀦𑀁 𑀓𑀬𑀺𑀭𑀸𑀣, 𑀯𑀲𑀫𑀜𑁆𑀜𑀸𑀢𑀓𑁂 𑀚𑀦𑁂.

𑁧𑁬. 𑀯𑀺𑀤𑁂𑀲𑀯𑀸𑀲𑀁 𑀯𑀲𑀢𑁄, 𑀚𑀸𑀢𑀯𑁂𑀤𑀲𑀫𑁂𑀦𑀧𑀺 [𑀚𑀸𑀢𑀯𑁂𑀤𑀪𑀬𑁂𑀦𑀧𑀺 (𑀓.)];

𑀔𑀫𑀺𑀢𑀩𑁆𑀩𑀁 𑀲𑀧𑀜𑁆𑀜𑁂𑀦, 𑀅𑀧𑀺 𑀤𑀸𑀲𑀲𑁆𑀲 𑀢𑀚𑁆𑀚𑀺𑀢𑀦𑁆𑀢𑀺.

𑀤𑀤𑁆𑀤𑀭𑀚𑀸𑀢𑀓𑀁 𑀘𑀢𑀼𑀢𑁆𑀣𑀁.