𑁩𑁦𑁨. 𑀫𑀳𑀸𑀅𑀲𑁆𑀲𑀸𑀭𑁄𑀳𑀚𑀸𑀢𑀓𑀁 (𑁪-𑁧-𑁨)

𑁫. 𑀅𑀤𑁂𑀬𑁆𑀬𑁂𑀲𑀼 𑀤𑀤𑀁 𑀤𑀸𑀦𑀁, 𑀤𑁂𑀬𑁆𑀬𑁂𑀲𑀼 𑀦𑀧𑁆𑀧𑀯𑁂𑀘𑁆𑀙𑀢𑀺;

𑀆𑀧𑀸𑀲𑀼 𑀩𑁆𑀬𑀲𑀦𑀁 𑀧𑀢𑁆𑀢𑁄, 𑀲𑀳𑀸𑀬𑀁 𑀦𑀸𑀥𑀺𑀕𑀘𑁆𑀙𑀢𑀺.

𑁬. 𑀦𑀸𑀤𑁂𑀬𑁆𑀬𑁂𑀲𑀼 𑀤𑀤𑀁 𑀤𑀸𑀦𑀁, 𑀤𑁂𑀬𑁆𑀬𑁂𑀲𑀼 𑀬𑁄 𑀧𑀯𑁂𑀘𑁆𑀙𑀢𑀺;

𑀆𑀧𑀸𑀲𑀼 𑀩𑁆𑀬𑀲𑀦𑀁 𑀧𑀢𑁆𑀢𑁄, 𑀲𑀳𑀸𑀬𑀫𑀥𑀺𑀕𑀘𑁆𑀙𑀢𑀺.

𑁭. 𑀲𑀜𑁆𑀜𑁄𑀕𑀲𑀫𑁆𑀪𑁄𑀕𑀯𑀺𑀲𑁂𑀲𑀤𑀲𑁆𑀲𑀦𑀁, 𑀅𑀦𑀭𑀺𑀬𑀥𑀫𑁆𑀫𑁂𑀲𑀼 𑀲𑀞𑁂𑀲𑀼 𑀦𑀲𑁆𑀲𑀢𑀺;

𑀓𑀢𑀜𑁆𑀘 𑀅𑀭𑀺𑀬𑁂𑀲𑀼 𑀘 𑀅𑀚𑁆𑀚𑀯𑁂𑀲𑀼, 𑀫𑀳𑀧𑁆𑀨𑀮𑀁 𑀳𑁄𑀢𑀺 𑀅𑀡𑀼𑀫𑁆𑀧𑀺 𑀢𑀸𑀤𑀺𑀲𑀼.

𑁮. 𑀬𑁄 𑀧𑀼𑀩𑁆𑀩𑁂 𑀓𑀢𑀓𑀮𑁆𑀬𑀸𑀡𑁄, 𑀅𑀓𑀸 𑀮𑁄𑀓𑁂 𑀲𑀼𑀤𑀼𑀓𑁆𑀓𑀭𑀁;

𑀧𑀘𑁆𑀙𑀸 𑀓𑀬𑀺𑀭𑀸 𑀦 𑀯𑀸 𑀓𑀬𑀺𑀭𑀸, 𑀅𑀘𑁆𑀘𑀦𑁆𑀢𑀁 𑀧𑀽𑀚𑀦𑀸𑀭𑀳𑁄𑀢𑀺.

𑀫𑀳𑀸𑀅𑀲𑁆𑀲𑀸𑀭𑁄𑀳𑀚𑀸𑀢𑀓𑀁 𑀤𑀼𑀢𑀺𑀬𑀁.