𑁨𑁯𑁦. 𑀲𑀻𑀮𑀯𑀻𑀫𑀁𑀲𑀓𑀚𑀸𑀢𑀓𑀁 (𑁩-𑁪-𑁧𑁦)

𑁧𑁧𑁮. 𑀲𑀻𑀮𑀁 𑀓𑀺𑀭𑁂𑀯 𑀓𑀮𑁆𑀬𑀸𑀡𑀁, 𑀲𑀻𑀮𑀁 𑀮𑁄𑀓𑁂 𑀅𑀦𑀼𑀢𑁆𑀢𑀭𑀁;

𑀧𑀲𑁆𑀲 𑀖𑁄𑀭𑀯𑀺𑀲𑁄 𑀦𑀸𑀕𑁄, 𑀲𑀻𑀮𑀯𑀸𑀢𑀺 𑀦 𑀳𑀜𑁆𑀜𑀢𑀺.

𑁧𑁧𑁯. 𑀲𑁄𑀳𑀁 𑀲𑀻𑀮𑀁 𑀲𑀫𑀸𑀤𑀺𑀲𑁆𑀲𑀁, 𑀮𑁄𑀓𑁂 𑀅𑀦𑀼𑀫𑀢𑀁 𑀲𑀺𑀯𑀁;

𑀅𑀭𑀺𑀬𑀯𑀼𑀢𑁆𑀢𑀺𑀲𑀫𑀸𑀘𑀸𑀭𑁄, 𑀬𑁂𑀦 𑀯𑀼𑀘𑁆𑀘𑀢𑀺 𑀲𑀻𑀮𑀯𑀸.

𑁧𑁨𑁦. 𑀜𑀸𑀢𑀻𑀦𑀜𑁆𑀘 𑀧𑀺𑀬𑁄 𑀳𑁄𑀢𑀺, 𑀫𑀺𑀢𑁆𑀢𑁂𑀲𑀼 𑀘 𑀯𑀺𑀭𑁄𑀘𑀢𑀺;

𑀓𑀸𑀬𑀲𑁆𑀲 𑀪𑁂𑀤𑀸 𑀲𑀼𑀕𑀢𑀺𑀁, 𑀉𑀧𑀧𑀚𑁆𑀚𑀢𑀺 𑀲𑀻𑀮𑀯𑀸𑀢𑀺.

𑀲𑀻𑀮𑀯𑀻𑀫𑀁𑀲𑀓𑀚𑀸𑀢𑀓𑀁 𑀤𑀲𑀫𑀁.

𑀅𑀩𑁆𑀪𑀦𑁆𑀢𑀭𑀯𑀕𑁆𑀕𑁄 𑀘𑀢𑀼𑀢𑁆𑀣𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀤𑀼𑀫 𑀓𑀁𑀲𑀯𑀭𑀼𑀢𑁆𑀢𑀫𑀩𑁆𑀬𑀕𑁆𑀖𑀫𑀺𑀕𑀸, 𑀫𑀡𑀬𑁄 𑀫𑀡𑀺 𑀲𑀸𑀮𑀼𑀓𑀫𑀯𑁆𑀳𑀬𑀦𑁄;

𑀅𑀦𑀼𑀲𑀸𑀲𑀦𑀺𑀬𑁄𑀧𑀺 𑀘 𑀫𑀘𑁆𑀙𑀯𑀭𑁄, 𑀫𑀡𑀺𑀓𑀼𑀡𑁆𑀟𑀮𑀓𑁂𑀦 𑀓𑀺𑀭𑁂𑀦 𑀤𑀲𑀸𑀢𑀺.