𑁨𑁬𑁦. 𑀤𑀽𑀢𑀚𑀸𑀢𑀓𑀁 (𑁩-𑁧-𑁧𑁦)

𑁨𑁮. 𑀬𑀲𑁆𑀲𑀢𑁆𑀣𑀸 𑀤𑀽𑀭𑀫𑀸𑀬𑀦𑁆𑀢𑀺, 𑀅𑀫𑀺𑀢𑁆𑀢𑀫𑀧𑀺 𑀬𑀸𑀘𑀺𑀢𑀼𑀁;

𑀢𑀲𑁆𑀲𑀽𑀤𑀭𑀲𑁆𑀲𑀳𑀁 𑀤𑀽𑀢𑁄, 𑀫𑀸 𑀫𑁂 𑀓𑀼𑀚𑁆𑀛 [𑀓𑀼𑀚𑁆𑀛𑀺 (𑀲𑀻. 𑀧𑀻.)] 𑀭𑀣𑁂𑀲𑀪.

𑁨𑁯. 𑀬𑀲𑁆𑀲 𑀤𑀺𑀯𑀸 𑀘 𑀭𑀢𑁆𑀢𑁄 𑀘, 𑀯𑀲𑀫𑀸𑀬𑀦𑁆𑀢𑀺 𑀫𑀸𑀡𑀯𑀸;

𑀢𑀲𑁆𑀲𑀽𑀤𑀭𑀲𑁆𑀲𑀳𑀁 𑀤𑀽𑀢𑁄, 𑀫𑀸 𑀫𑁂 𑀓𑀼𑀚𑁆𑀛 [𑀓𑀼𑀚𑁆𑀛𑀺 (𑀲𑀻. 𑀧𑀻.)] 𑀭𑀣𑁂𑀲𑀪.

𑁩𑁦. 𑀤𑀤𑀸𑀫𑀺 𑀢𑁂 𑀩𑁆𑀭𑀸𑀳𑁆𑀫𑀡 𑀭𑁄𑀳𑀺𑀡𑀻𑀦𑀁, 𑀕𑀯𑀁 𑀲𑀳𑀲𑁆𑀲𑀁 𑀲𑀳 𑀧𑀼𑀗𑁆𑀕𑀯𑁂𑀦;

𑀤𑀽𑀢𑁄 𑀳𑀺 𑀤𑀽𑀢𑀲𑁆𑀲 𑀓𑀣𑀁 𑀦 𑀤𑀚𑁆𑀚𑀁, 𑀫𑀬𑀫𑁆𑀧𑀺 𑀢𑀲𑁆𑀲𑁂𑀯 𑀪𑀯𑀸𑀫 𑀤𑀽𑀢𑀸𑀢𑀺.

𑀤𑀽𑀢𑀚𑀸𑀢𑀓𑀁 𑀤𑀲𑀫𑀁.

𑀲𑀗𑁆𑀓𑀧𑁆𑀧𑀯𑀕𑁆𑀕𑁄 𑀧𑀞𑀫𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀉𑀲𑀼𑀓𑀸𑀭𑀯𑀭𑁄 𑀢𑀺𑀮𑀫𑀼𑀝𑁆𑀞𑀺 𑀫𑀡𑀺, 𑀳𑀬𑀭𑀸𑀚 𑀯𑀺𑀳𑀗𑁆𑀕𑀫 𑀆𑀲𑀺𑀯𑀺𑀲𑁄;

𑀚𑀦𑀲𑀦𑁆𑀥 𑀓𑀳𑀸𑀧𑀡𑀯𑀲𑁆𑀲 𑀧𑀼𑀦, 𑀢𑀺𑀭𑀺𑀝𑀁 𑀧𑀼𑀦 𑀤𑀽𑀢𑀯𑀭𑁂𑀦 𑀤𑀲𑀸𑀢𑀺.