𑁮. 𑀅𑀝𑁆𑀞𑀫𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁯𑁧𑁬-𑁮. 𑀅𑀝𑁆𑀞𑀫𑁂 𑁋 𑀦𑀝𑀸 𑀦𑀸𑀫 𑀬𑁂 𑀦𑀸𑀝𑀓𑀁 𑀦𑀸𑀝𑁂𑀦𑁆𑀢𑀺. 𑀦𑀝𑀓𑀸 𑀦𑀸𑀫 𑀬𑁂 𑀦𑀘𑁆𑀘𑀦𑁆𑀢𑀺. 𑀮𑀗𑁆𑀖𑀓𑀸 𑀦𑀸𑀫 𑀬𑁂 𑀯𑀁𑀲𑀯𑀭𑀢𑁆𑀢𑀸𑀤𑀻𑀲𑀼 𑀮𑀗𑁆𑀖𑀦𑀓𑀫𑁆𑀫𑀁 𑀓𑀭𑁄𑀦𑁆𑀢𑀺. 𑀲𑁄𑀓𑀚𑁆𑀛𑀸𑀬𑀺𑀓𑀸 𑀦𑀸𑀫 𑀫𑀸𑀬𑀸𑀓𑀸𑀭𑀸. 𑀓𑀼𑀫𑁆𑀪𑀣𑀽𑀡𑀺𑀓𑀸 𑀦𑀸𑀫 𑀖𑀝𑀓𑁂𑀦 𑀓𑀻𑀴𑀦𑀓𑀸; 𑀩𑀺𑀫𑁆𑀩𑀺𑀲𑀓𑀯𑀸𑀤𑀓𑀸𑀢𑀺𑀧𑀺 𑀯𑀤𑀦𑁆𑀢𑀺. 𑀤𑁂𑀢𑀺 𑀆𑀧𑀢𑁆𑀢𑀺 𑀧𑀸𑀘𑀺𑀢𑁆𑀢𑀺𑀬𑀲𑁆𑀲𑀸𑀢𑀺 𑀏𑀢𑁆𑀣 𑀘𑀻𑀯𑀭𑀕𑀡𑀦𑀸𑀬 𑀆𑀧𑀢𑁆𑀢𑀺𑀬𑁄 𑀯𑁂𑀤𑀺𑀢𑀩𑁆𑀩𑀸. 𑀲𑁂𑀲𑀁 𑀉𑀢𑁆𑀢𑀸𑀦𑀫𑁂𑀯.

𑀙𑀲𑀫𑀼𑀝𑁆𑀞𑀸𑀦𑀁 𑁋 𑀓𑀺𑀭𑀺𑀬𑀁, 𑀦𑁄𑀲𑀜𑁆𑀜𑀸𑀯𑀺𑀫𑁄𑀓𑁆𑀔𑀁, 𑀅𑀘𑀺𑀢𑁆𑀢𑀓𑀁, 𑀧𑀡𑁆𑀡𑀢𑁆𑀢𑀺𑀯𑀚𑁆𑀚𑀁, 𑀓𑀸𑀬𑀓𑀫𑁆𑀫𑀁, 𑀯𑀘𑀻𑀓𑀫𑁆𑀫𑀁, 𑀢𑀺𑀘𑀺𑀢𑁆𑀢𑀁, 𑀢𑀺𑀯𑁂𑀤𑀦𑀦𑁆𑀢𑀺.

𑀅𑀝𑁆𑀞𑀫𑀲𑀺𑀓𑁆𑀔𑀸𑀧𑀤𑀁.