𑁧-𑁨. 𑀲𑀢𑀺𑀲𑀫𑁆𑀧𑀚𑀜𑁆𑀜𑀲𑀼𑀢𑁆𑀢𑀯𑀡𑁆𑀡𑀦𑀸

𑁮𑁧-𑁮𑁨. 𑀦𑀯𑀫𑀲𑁆𑀲 𑀧𑀞𑀫𑀁 𑀳𑁂𑀝𑁆𑀞𑀸 𑀯𑀼𑀢𑁆𑀢𑀦𑀬𑀫𑁂𑀯. 𑀤𑀼𑀢𑀺𑀬𑁂 𑀲𑀤𑁆𑀥𑁄𑀢𑀺 𑀤𑀼𑀯𑀺𑀥𑀸𑀬 𑀲𑀤𑁆𑀥𑀸𑀬 𑀲𑀫𑀦𑁆𑀦𑀸𑀕𑀢𑁄. 𑀦𑁄 𑀘𑀼𑀧𑀲𑀗𑁆𑀓𑀫𑀺𑀢𑀸𑀢𑀺 𑀦 𑀉𑀧𑀝𑁆𑀞𑀳𑀢𑀺. 𑀦𑁄 𑀘 𑀧𑀭𑀺𑀧𑀼𑀘𑁆𑀙𑀺𑀢𑀸𑀢𑀺 𑀅𑀢𑁆𑀣𑀸𑀦𑀢𑁆𑀣𑀁 𑀓𑀸𑀭𑀡𑀸𑀓𑀸𑀭𑀡𑀁 𑀧𑀭𑀺𑀧𑀼𑀘𑁆𑀙𑀺𑀢𑀸 𑀦 𑀳𑁄𑀢𑀺. 𑀲𑀫𑀦𑁆𑀦𑀸𑀕𑀢𑁄𑀢𑀺 𑀲𑀸𑀫𑀺𑀅𑀢𑁆𑀣𑁂 𑀧𑀘𑁆𑀘𑀢𑁆𑀢𑀁, 𑀲𑀫𑀦𑁆𑀦𑀸𑀕𑀢𑀲𑁆𑀲𑀸𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀏𑀓𑀦𑁆𑀢𑀧𑀝𑀺𑀪𑀸𑀦𑀸 𑀢𑀣𑀸𑀕𑀢𑀁 𑀥𑀫𑁆𑀫𑀤𑁂𑀲𑀦𑀸 𑀳𑁄𑀢𑀻𑀢𑀺 𑀢𑀣𑀸𑀕𑀢𑀲𑁆𑀲 𑀏𑀓𑀦𑁆𑀢𑀧𑀝𑀺𑀪𑀸𑀦𑀸 𑀥𑀫𑁆𑀫𑀤𑁂𑀲𑀦𑀸 𑀳𑁄𑀢𑀺, 𑀏𑀓𑀦𑁆𑀢𑁂𑀦𑁂𑀯 𑀧𑀝𑀺𑀪𑀸𑀢𑀺 𑀉𑀧𑀝𑁆𑀞𑀸𑀢𑀻𑀢𑀺 𑀅𑀢𑁆𑀣𑁄.