𑁯-𑁧𑁦. 𑀇𑀥𑀮𑁄𑀓𑀺𑀓𑀲𑀼𑀢𑁆𑀢𑀤𑁆𑀯𑀬𑀯𑀡𑁆𑀡𑀦𑀸

𑁪𑁯-𑁫𑁦. 𑀦𑀯𑀫𑁂 𑀅𑀬𑀁’𑀲 𑀮𑁄𑀓𑁄 𑀆𑀭𑀤𑁆𑀥𑁄 𑀳𑁄𑀢𑀻𑀢𑀺 𑀅𑀬𑀫𑀲𑁆𑀲 𑀮𑁄𑀓𑁄 𑀇𑀥𑀮𑁄𑀓𑁂 𑀓𑀭𑀡𑀫𑀢𑁆𑀢𑀸𑀬 𑀆𑀭𑀤𑁆𑀥𑀢𑁆𑀢𑀸 𑀧𑀭𑀺𑀧𑀼𑀡𑁆𑀡𑀢𑁆𑀢𑀸 𑀆𑀭𑀤𑁆𑀥𑁄 𑀳𑁄𑀢𑀺 𑀧𑀭𑀺𑀧𑀼𑀡𑁆𑀡𑁄. 𑀲𑁄𑀴𑀲𑀸𑀓𑀸𑀭𑀲𑀫𑁆𑀧𑀦𑁆𑀦𑀸𑀢𑀺 𑀲𑀼𑀢𑁆𑀢𑁂 𑀯𑀼𑀢𑁆𑀢𑁂𑀳𑀺 𑀅𑀝𑁆𑀞𑀳𑀺, 𑀕𑀸𑀣𑀸𑀲𑀼 𑀅𑀝𑁆𑀞𑀳𑀻𑀢𑀺 𑀲𑁄𑀴𑀲𑀳𑀺 𑀆𑀓𑀸𑀭𑁂𑀳𑀺 𑀲𑀫𑀦𑁆𑀦𑀸𑀕𑀢𑀸, 𑀬𑀸𑀦𑀺 𑀯𑀸 𑀅𑀝𑁆𑀞𑀗𑁆𑀕𑀸𑀦𑀺 𑀧𑀭𑀫𑁆𑀧𑀺 𑀢𑁂𑀲𑀼 𑀲𑀫𑀸𑀤𑀧𑁂𑀢𑀻𑀢𑀺 𑀏𑀯𑀫𑁆𑀧𑀺 𑀲𑁄𑀴𑀲𑀸𑀓𑀸𑀭𑀲𑀫𑁆𑀧𑀦𑁆𑀦𑀸𑀢𑀺 𑀏𑀓𑁂. 𑀲𑀤𑁆𑀥𑀸𑀲𑀻𑀮𑀧𑀜𑁆𑀜𑀸 𑀧𑀦𑁂𑀢𑁆𑀣 𑀫𑀺𑀲𑁆𑀲𑀺𑀓𑀸 𑀓𑀣𑀺𑀢𑀸. 𑀤𑀲𑀫𑀁 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀓𑀣𑀺𑀢𑀁. 𑀲𑀩𑁆𑀩𑀲𑀼𑀢𑁆𑀢𑁂𑀲𑀼 𑀧𑀦 𑀬𑀁 𑀦 𑀯𑀼𑀢𑁆𑀢𑀁, 𑀢𑀁 𑀳𑁂𑀝𑁆𑀞𑀸 𑀆𑀕𑀢𑀦𑀬𑀢𑁆𑀢𑀸 𑀉𑀢𑁆𑀢𑀸𑀦𑀢𑁆𑀣𑀫𑁂𑀯𑀸𑀢𑀺.

𑀉𑀧𑁄𑀲𑀣𑀯𑀕𑁆𑀕𑁄 𑀧𑀜𑁆𑀘𑀫𑁄.