𑁨. 𑀲𑀁𑀓𑀺𑀡𑁆𑀡𑀯𑀕𑁆𑀕𑀯𑀡𑁆𑀡𑀦𑀸

𑁭𑁫𑁮. 𑀧𑀼𑀩𑁆𑀩𑀲𑁆𑀫𑀺𑀁 𑀓𑀡𑁆𑀟𑀤𑁆𑀯𑀬𑁂 𑀩𑀼𑀤𑁆𑀥𑀸𑀤𑀻𑀦𑀺 𑀦𑀸𑀫𑀸𑀦𑀺 𑀲𑀫𑀸𑀦𑀢𑁆𑀣𑀸𑀦𑀺 𑀧𑀓𑀭𑀡𑁂𑀦 𑀦𑀺𑀩𑀤𑁆𑀥𑀸𑀦𑀺, 𑀅𑀲𑁆𑀫𑀺𑀫𑁆𑀧𑀺 𑀓𑀡𑁆𑀟𑁂 𑀲𑁄𑀪𑀦𑀸𑀤𑀻𑀦𑀺 𑀯𑀺𑀲𑁂𑀲𑀦𑀦𑀸𑀫𑀸𑀦𑀺, 𑀲𑀫𑀬𑀸𑀤𑀻𑀦𑁆𑀬𑀦𑁂𑀓𑀢𑁆𑀣𑀸𑀦𑀺, 𑀘𑀺𑀭𑀲𑁆𑀲𑀫𑀸𑀤𑀻𑀦𑀺 𑀘 𑀅𑀩𑁆𑀬𑀬𑀸𑀦𑀺 𑀧𑀓𑀭𑀡𑁂𑀦𑁂𑀯 𑀦𑀺𑀩𑀤𑁆𑀥𑀸𑀦𑀺, 𑀇𑀤𑀸𑀦𑀺 𑀧𑀦 𑀧𑀼𑀩𑁆𑀩𑀯𑀕𑁆𑀕𑁂𑀲𑀼 𑀯𑀺𑀢𑁆𑀣𑀸𑀭𑀪𑀬𑀸 𑀬𑁂 𑀦 𑀦𑀺𑀩𑀤𑁆𑀥𑀸, 𑀢𑀁𑀲𑀗𑁆𑀕𑀳𑀢𑁆𑀣𑀁, 𑀢𑀁𑀲𑀫𑀬𑀸𑀦𑀼𑀧𑀸𑀮𑀦𑀢𑁆𑀣𑀜𑁆𑀘 𑀲𑀁𑀓𑀺𑀡𑁆𑀡𑀫𑀸𑀭𑀪𑀢𑁂 ‘‘𑀜𑁂 𑀬𑁆𑀬’’𑀫𑀺𑀘𑁆𑀘𑀸𑀤𑀺𑀦𑀸. 𑀢𑀲𑁆𑀲𑀢𑁆𑀣𑁄 𑁋 𑀇𑀳𑀸𑀧𑀺 𑀲𑀁𑀓𑀺𑀡𑁆𑀡𑀯𑀕𑁆𑀕𑁂𑀧𑀺 𑀓𑁆𑀯𑀸𑀧𑀺 𑀓𑀢𑁆𑀣𑀘𑀺 𑀓𑁆𑀭𑀺𑀬𑀸𑀤𑀻𑀲𑀼 𑀧𑀘𑁆𑀘𑀬𑀢𑁆𑀣𑀯𑀲𑁂𑀦 𑀆𑀧𑀘𑁆𑀘𑀬𑀸𑀤𑀻𑀦𑀁 𑀇𑀢𑁆𑀣𑀺𑀮𑀺𑀗𑁆𑀕𑀸𑀤𑀺𑀪𑀸𑀯𑀚𑁄𑀢𑀓𑀲𑁆𑀲 𑀲𑀪𑀸𑀯𑀲𑁆𑀲 𑀯𑀲𑁂𑀦 𑀮𑀺𑀗𑁆𑀕𑀁 𑀇𑀢𑁆𑀣𑀺𑀮𑀺𑀗𑁆𑀕𑀸𑀤𑀺𑀓𑀁 𑀜𑁂𑀬𑁆𑀬𑀦𑁆𑀢𑀺. 𑀘𑀓𑀸𑀭𑁂𑀦 𑀪𑀺𑀬𑁆𑀬𑁄 𑀭𑀽𑀧𑀦𑁆𑀢𑀭𑀸𑀤𑀺𑀧𑀭𑀺𑀕𑁆𑀕𑀳𑁄𑀧𑀺. 𑀇𑀳𑀸𑀢𑀺 𑀘 𑀉𑀧𑀮𑀓𑁆𑀔𑀡𑀁, 𑀯𑀕𑁆𑀕𑀦𑁆𑀢𑀭𑁂𑀲𑀼𑀧𑀺 𑀧𑀘𑁆𑀘𑀬𑀢𑁆𑀣𑀯𑀲𑁂𑀦 𑀮𑀺𑀗𑁆𑀕𑀸𑀤𑀺𑀦𑀺𑀘𑁆𑀙𑀬𑀲𑀫𑁆𑀪𑀯𑀢𑁄.

𑀓𑀢𑁆𑀢𑀩𑁆𑀩𑀢𑁄 𑀓𑁆𑀭𑀺𑀬𑀸, 𑀓𑀭 𑀓𑀭𑀡𑁂, 𑀡𑁆𑀬𑁄, 𑀇𑀓𑀸𑀭𑀸𑀕𑀫𑁄, 𑀅𑀲𑁆𑀲𑀺, 𑀯𑀡𑁆𑀡𑀯𑀺𑀧𑀭𑀺𑀬𑀬𑁂 𑀓𑁆𑀭𑀺𑀬𑀸, 𑀓𑁆𑀭𑀺𑀬𑀫𑁆𑀧𑀺, 𑀭𑀺𑀭𑀺𑀬𑀧𑀘𑁆𑀘𑀬𑁂 𑀓𑀺𑀭𑀺𑀬𑀁, 𑀓𑀺𑀭𑀺𑀬𑀸𑀧𑀺. 𑀭𑀫𑁆𑀫𑀧𑀘𑁆𑀘𑀬𑁂 𑀓𑀫𑁆𑀫𑀁.

𑀢𑀺𑀓𑀁 𑀘𑀺𑀢𑁆𑀢𑁄𑀧𑀲𑀫𑁂. 𑀲𑀫𑀼 𑀉𑀧𑀲𑀫𑁂,𑀢𑀺, 𑀲𑀦𑁆𑀢𑀺. 𑀣𑀫𑁆𑀳𑀺 𑀲𑀫𑀣𑁄.𑀅𑀫𑁆𑀳𑀺 𑀲𑀫𑁄.

𑀢𑀺𑀓𑀁 𑀓𑀸𑀬𑁄𑀧𑀲𑀫𑁂. 𑀤𑀫𑀼 𑀉𑀧𑀲𑀫𑁂. 𑀣𑀫𑁆𑀳𑀺 𑀤𑀫𑀣𑁄. 𑀢𑀺𑀫𑁆𑀳𑀺 𑀤𑀦𑁆𑀢𑀺. 𑀘𑀺𑀢𑁆𑀢𑁄𑀧𑀲𑀫𑁂𑀧𑁆𑀬𑁂𑀢𑁂.

𑀲𑀼𑀤𑁆𑀥𑀓𑀫𑁆𑀫𑀦𑀺 𑀯𑀢𑁆𑀢𑀁 𑀪𑀯𑀢𑀺. 𑀯𑀢𑁆𑀢 𑀯𑀢𑁆𑀢𑀦𑁂, 𑀯𑀢𑁆𑀢 𑀲𑀫𑀸𑀤𑀸𑀦𑁂 𑀯𑀸 𑀯𑀢𑁆𑀢𑀁, 𑀅𑀲𑀻𑀢𑀺𑀫𑀳𑀸𑀯𑀢𑁆𑀢𑀸𑀤𑀺.

𑀆𑀲𑀗𑁆𑀕𑀯𑀘𑀦𑀁 𑀆𑀲𑀢𑁆𑀢𑀯𑀘𑀦𑀁 𑀲𑀤𑁆𑀤𑀲𑀭𑀽𑀧𑀁 𑀧𑀭𑀸𑀬𑀡𑀁 𑀦𑀸𑀫 𑀯𑀼𑀢𑁆𑀢𑀁, 𑀢𑀜𑁆𑀘 𑀢𑀻𑀲𑀼. 𑀧𑀭𑀁 𑀆𑀬𑀦𑀁 𑀆𑀬𑀢𑁆𑀢𑁄 𑀢𑀸𑀡𑀁 𑀧𑀭𑀸𑀬𑀡𑀁, 𑀓𑀫𑁆𑀫𑀸𑀲𑀢𑁆𑀢𑁄 𑀇𑀘𑁆𑀘𑀢𑁆𑀣𑁄, 𑀲𑀸𑀓𑀮𑁆𑀬𑀯𑀘𑀦𑁂 𑀢𑀼 𑀧𑀸𑀭𑀸𑀬𑀡𑀁, 𑀧𑀸𑀭𑀁 𑀧𑀭𑀺𑀬𑀦𑁆𑀢𑀁 𑀅𑀬𑀦𑁆𑀢𑀺 𑀕𑀘𑁆𑀙𑀦𑁆𑀢𑀺 𑀓𑀲𑁆𑀲𑀘𑀺 𑀅𑀦𑁂𑀦𑀸𑀢𑀺 𑀧𑀸𑀭𑀸𑀬𑀡𑀁, 𑀬𑀼, 𑀡𑀢𑁆𑀢𑀁, 𑀬𑀣𑀸 𑁋 𑀦𑀸𑀫𑀧𑀸𑀭𑀸𑀬𑀡𑀁, 𑀥𑀸𑀢𑀼𑀧𑀸𑀭𑀸𑀬𑀡𑀁.

𑁭𑁫𑁯. 𑀢𑀺𑀓𑀁 𑀤𑁆𑀯𑀺𑀥𑀸𑀪𑀸𑀯𑁂. 𑀪𑀺𑀤𑀺 𑀤𑁆𑀯𑀺𑀥𑀸𑀓𑀭𑀡𑁂, 𑀡𑁄. 𑀤𑀭 𑀯𑀺𑀤𑀸𑀭𑀡𑁂. 𑀨𑀼𑀝 𑀯𑀺𑀓𑀲𑀦𑁂, 𑀨𑀼𑀝 𑀪𑁂𑀤𑀦𑁂 𑀯𑀸, 𑀬𑀼.

𑀤𑁆𑀯𑀬𑀁 𑀢𑀧𑁆𑀧𑀦𑁂. 𑀢𑀧 𑀧𑀻𑀡𑀦𑁂, 𑀬𑀼. 𑀧𑀻 𑀢𑀧𑁆𑀧𑀦𑁂, 𑀬𑀼, 𑀓𑀺𑀬𑀸𑀤𑀺, 𑀦𑀲𑁆𑀲 𑀡𑀢𑁆𑀢𑀁. 𑀅𑀯𑀦𑀫𑁆𑀧𑀺, 𑀅𑀯 𑀧𑀸𑀮𑀦𑁂, 𑀤𑀺𑀢𑁆𑀢𑀺𑀬𑀜𑁆𑀘 𑀅𑀦𑁂𑀓𑀢𑁆𑀣𑀢𑁆𑀢𑀸.

𑀤𑁆𑀯𑀬𑀁 𑀲𑀸𑀧𑁂. 𑀓𑀼𑀲 𑀅𑀯𑁆𑀳𑀸𑀦𑁂, 𑀪𑁂𑀤𑀦𑁂 𑀘, 𑀬𑀼. 𑀲𑀦𑁆𑀚 𑀲𑀗𑁆𑀕𑁂, 𑀅𑀪𑀺𑀲𑀗𑁆𑀕𑁄.

𑀢𑀺𑀓𑀁 𑀬𑀸𑀘𑀦𑀸𑀬𑀁. 𑀪𑀺𑀓𑁆𑀔 𑀬𑀸𑀘𑀦𑁂, 𑀬𑀼. 𑀬𑀸𑀘 𑀬𑀸𑀘𑀦𑁂. 𑀅𑀢𑁆𑀣 𑀬𑀸𑀘𑀦𑁂. 𑀅𑀤𑁆𑀤𑀦𑁄𑀧𑁆𑀬𑀢𑁆𑀭, 𑀅𑀤𑁆𑀤 𑀕𑀢𑀺𑀫𑁆𑀳𑀺, 𑀬𑀸𑀘𑀦𑁂 𑀘.

𑁭𑁬𑁦. 𑀦𑀺𑀫𑀺𑀢𑁆𑀢𑀭𑀳𑀺𑀢𑀁 𑀬𑀤𑀺𑀘𑁆𑀙𑀸 𑀦𑀸𑀫, 𑀬𑀸 𑀬𑀸 𑀇𑀘𑁆𑀙𑀸 𑀅𑀥𑀺𑀧𑁆𑀧𑀸𑀬𑁄 𑀬𑀤𑀺𑀘𑁆𑀙𑀸 𑀦𑀸𑀫. 𑀲𑁂𑀭𑀺𑀢𑀸𑀧𑀺.

𑀢𑀺𑀓𑀁 𑀆𑀧𑀼𑀘𑁆𑀙𑀦𑁂, 𑀆𑀧𑀼𑀘𑁆𑀙𑀦𑀜𑁆𑀘 𑀕𑀫𑀦𑀸𑀕𑀫𑀦𑀸𑀤𑀺𑀲𑀫𑀬𑁂 𑀲𑀼𑀳𑀚𑁆𑀚 𑀩𑀦𑁆𑀥𑀯𑀸𑀤𑀻𑀦𑀫𑀸𑀮𑀺𑀗𑁆𑀕𑀦 𑀘𑀼𑀫𑁆𑀩𑀦𑀲𑁆𑀯𑀸𑀕𑀢𑀧𑀺𑀬𑀯𑀘𑀦𑀸𑀭𑁄𑀕𑁆𑀬𑀧𑀼𑀘𑁆𑀙𑀦𑀕𑀫𑀦𑀸𑀦𑀼𑀜𑁆𑀜𑀸𑀤𑀺𑀦𑀸 𑀆𑀦𑀦𑁆𑀤𑀦𑀁. 𑀧𑀼𑀘𑁆𑀙 𑀧𑀼𑀘𑁆𑀙𑀦𑁂, 𑀆𑀧𑀼𑀘𑁆𑀙𑀦𑀁. 𑀦𑀦𑁆𑀤 𑀲𑀫𑀺𑀤𑁆𑀥𑀺𑀬𑀁, 𑀆𑀦𑀦𑁆𑀤𑀦𑀁. 𑀲𑀪𑀸𑀚 𑀧𑀻𑀢𑀺𑀤𑀲𑁆𑀲𑀦𑁂𑀲𑀼, 𑀲𑀪𑀸𑀚 𑀧𑀻𑀢𑀺𑀯𑀘𑀦𑁂𑀲𑀼 𑀯𑀸, 𑀘𑀼𑀭𑀸𑀤𑀺, 𑀬𑀼, 𑀲𑀪𑀸𑀚𑀦𑀁.

𑀤𑁆𑀯𑀬𑀁 𑀦𑀬𑁂. 𑀜𑀸𑀬𑀦𑁆𑀢𑀺 𑀬𑁂𑀦𑀸𑀢𑀺 𑀜𑀸𑀬𑁄, 𑀆𑀓𑀸𑀭𑀦𑁆𑀢𑀸𑀦𑀫𑀸𑀬𑁄. 𑀦𑁆𑀬𑀸𑀬𑁄𑀧𑀺, 𑀦𑀺𑀲𑁆𑀲𑁂𑀲𑀢𑁄 𑀅𑀬𑀢𑀺 𑀬𑁂𑀦 𑀦𑁆𑀬𑀸𑀬𑁄. 𑀦𑀻 𑀦𑀬𑁂, 𑀅𑀬𑀸𑀤𑁂𑀲𑁄, 𑀦𑀬𑁄.

𑀤𑁆𑀯𑀬𑀁 𑀯𑀼𑀤𑁆𑀥𑀺𑀫𑁆𑀳𑀺. 𑀨𑀸 𑀯𑀼𑀤𑁆𑀥𑀺𑀫𑁆𑀳𑀺, 𑀨𑀸𑀬 𑀯𑀼𑀤𑁆𑀥𑀺𑀬𑀁 𑀯𑀸, 𑀬𑀮𑁄𑀧𑁄,𑀢𑀺, 𑀨𑀸𑀢𑀺, 𑀦𑀸𑀭𑀺𑀬𑀁. 𑀯𑀤𑁆𑀥 𑀯𑀤𑁆𑀥𑀦𑁂,𑀢𑀺, 𑀤𑀮𑁄𑀧𑁄, 𑀥𑀠𑀪𑀳𑁂𑀳𑀺 𑀥𑀠𑀸 𑀘, 𑀅𑀲𑁆𑀲𑀼, 𑀯𑀼𑀤𑁆𑀥𑀺, 𑀯𑀼𑀟𑁆𑀠𑀺𑀧𑀺.

𑁭𑁬𑁧. 𑀓𑀺𑀮𑀫 𑀳𑀸𑀲𑀓𑁆𑀔𑀬𑁂, 𑀣𑁄, 𑀓𑀺𑀮𑀫𑀣𑁄. 𑀬𑀼𑀫𑁆𑀳𑀺 𑀓𑀺𑀮𑀫𑀦𑀁. 𑀲𑀽 𑀧𑀸𑀡𑀺𑀧𑀲𑀯𑁂, 𑀧𑀲𑀯𑀦𑀁 𑀧𑀲𑀯𑁄, 𑀢𑀺𑀫𑁆𑀳𑀺 𑀧𑀲𑀽𑀢𑀺.

𑀓𑀲 𑀕𑀢𑀺𑀬𑀁 𑀳𑀺𑀁𑀲𑀸𑀬𑀜𑁆𑀘, 𑀦𑀺𑀕𑁆𑀕𑀳𑀻𑀢𑀸𑀕𑀫𑁄, 𑀉𑀓𑁆𑀓𑀁𑀲𑁄, 𑀓𑀲 𑀯𑀺𑀮𑁂𑀔𑀦𑁂 𑀯𑀸. 𑀅𑀢𑀺𑀲𑀬𑁄 𑀯𑀼𑀢𑁆𑀢𑁄. 𑀪𑀼𑀲𑀸𑀤𑀬𑁄 𑀧𑀫𑀸𑀡𑀸𑀢𑀺𑀲𑀬𑀯𑀲𑁂𑀦 𑀯𑀼𑀢𑁆𑀢𑀸, 𑀉𑀓𑁆𑀓𑀁𑀲𑁄 𑀕𑀼𑀡𑀸𑀢𑀺𑀲𑀬𑀯𑀲𑁂𑀦 𑀯𑀼𑀢𑁆𑀢𑁄, 𑀅𑀢𑀺𑀲𑀬𑁄 𑀧𑀦 𑀉𑀪𑀬𑀯𑀲𑁂𑀦𑀸𑀢𑀺 𑀉𑀪𑀬𑀢𑁆𑀭 𑀦𑀺𑀤𑁆𑀤𑀺𑀝𑁆𑀞𑀸𑀦𑀁 𑀪𑁂𑀤𑁄. 𑀢𑀺𑀓𑀁 𑀚𑀬𑀦𑁂. 𑀚𑀬𑀦𑀁 𑀚𑀬𑁄, 𑀬𑀼, 𑀚𑀬𑀦𑀁. 𑀢𑀺𑀫𑁆𑀳𑀺 𑀚𑀺𑀢𑀺, 𑀦𑀸𑀭𑀻.

𑁭𑁬𑁨. 𑀩𑀦𑁆𑀥𑀦𑀦𑁆𑀢𑀸𑀦𑀺 𑀤𑁆𑀯𑁂 𑀤𑁆𑀯𑁂 𑀦𑀸𑀫𑀸𑀦𑀺. 𑀯𑀲 𑀓𑀦𑁆𑀢𑀺𑀬𑀁. 𑀓𑀫𑀼 𑀓𑀦𑁆𑀢𑀺𑀬𑀁,𑀢𑀺. 𑀯𑀺𑀥 𑀯𑁂𑀥𑀦𑁂, 𑀩𑁆𑀬𑀣𑀦𑁂 𑀘 𑀅𑀦𑁂𑀓𑀢𑁆𑀣𑀢𑁆𑀢𑀸, 𑀅, 𑀇𑀓𑀸𑀭𑀲𑁆𑀲 𑀬𑀸𑀤𑁂𑀲𑁄, 𑀩𑁆𑀬𑀥𑁄, 𑀯𑁂𑀥𑁄. 𑀕𑀳 𑀉𑀧𑀸𑀤𑀸𑀦𑁂 𑀦𑀺𑀩𑀦𑁆𑀥𑀦𑁂 𑀘, 𑀕𑀳𑁄, 𑀕𑀸𑀳𑁄 𑀘. 𑀯𑀭 𑀆𑀯𑀭𑀡𑁂, 𑀯𑀭𑁄. 𑀯𑀼 𑀲𑀁𑀯𑀭𑀡𑁂,𑀢𑀺, 𑀯𑀼𑀢𑀺. 𑀧𑀘 𑀧𑀸𑀓𑁂, 𑀇𑀢𑁆𑀣𑀺𑀬𑀫𑀢𑀺𑀬𑀯𑁄 𑀯𑀸, 𑀅. 𑀧𑀘𑀦𑀁 𑀧𑀸𑀓𑁄, 𑀡𑁄.

𑀤𑁆𑀯𑀬𑀁 𑀆𑀳𑁆𑀯𑀸𑀦𑁂. 𑀳𑀼 𑀤𑀸𑀦𑀸𑀤𑀦𑀳𑀩𑁆𑀬𑀧𑁆𑀧𑀤𑀸𑀦𑁂𑀲𑀼, 𑀡𑁄, 𑀳𑀯𑁄. 𑀢𑀺𑀫𑁆𑀳𑀺 𑀳𑀼𑀢𑀺. 𑀤𑁆𑀯𑀬𑀁 𑀅𑀦𑀼𑀪𑀯𑀦𑁂. 𑀯𑀺𑀤 𑀜𑀸𑀡𑁂, 𑀡𑁄, 𑀯𑁂𑀤𑁄. 𑀯𑀺𑀤 𑀯𑁂𑀤𑀦𑀸𑀔𑁆𑀬𑀸𑀦𑀦𑀺𑀯𑀸𑀲𑁂𑀲𑀼, 𑀘𑀼𑀭𑀸𑀤𑀺, 𑀬𑀼, 𑀯𑁂𑀤𑀦𑀁, 𑀯𑀸𑀓𑀸𑀭𑁄 𑀯𑁂𑀤𑀦𑀸𑀲𑀤𑁆𑀤𑀲𑁆𑀲 𑀦𑀧𑀼𑀁𑀲𑀓𑀢𑁆𑀢𑀸𑀧𑁂𑀓𑁆𑀔𑁄.

𑁭𑁬𑁩. 𑀤𑁆𑀯𑀬𑀁 𑀥𑀦𑀸𑀤𑀺𑀚𑀸𑀦𑀺𑀬𑀁. 𑀚𑀭 𑀯𑀬𑁄𑀳𑀸𑀦𑀺𑀫𑁆𑀳𑀺, 𑀬𑀼, 𑀚𑀻𑀭𑀡𑀁, 𑀅𑀲𑁆𑀲𑀻. 𑀳𑀸 𑀘𑀸𑀕𑁂, 𑀬𑀼, 𑀦𑀤𑀸𑀤𑀺, 𑀭𑀲𑁆𑀲𑁄, 𑀳𑀲𑁆𑀲 𑀚𑁄, 𑀚𑀸𑀦𑀺. 𑀢𑀸 𑀧𑀸𑀮𑀦𑁂, 𑀬𑀼, 𑀡𑀢𑁆𑀢𑀁. 𑀤𑁆𑀯𑀬𑀁 𑀧𑀫𑀸𑀡𑁂. 𑀫𑀸 𑀫𑀸𑀦𑁂,𑀢𑀺, 𑀧𑀫𑀺𑀢𑀺. 𑀅𑀫𑁆𑀳𑀺 𑀧𑀫𑀸.

𑀤𑁆𑀯𑀬𑀁 𑀲𑀁𑀬𑁄𑀕𑁂. 𑀲𑀺𑀮𑀺𑀲 𑀆𑀮𑀺𑀗𑁆𑀕𑀦𑁂. 𑀲𑀁𑀧𑀼𑀩𑁆𑀩𑁄 𑀥𑀸 𑀥𑀸𑀭𑀡𑁂, 𑀇, 𑀲𑀦𑁆𑀥𑀦𑀁 𑀲𑀦𑁆𑀥𑀺. 𑀤𑁆𑀯𑀬𑀁 𑀔𑀬𑁂. 𑀔𑀺 𑀔𑀬𑁂, 𑀡𑁄, 𑀇𑀲𑁆𑀲𑁂, 𑀏 𑀅𑀬, 𑀔𑀬𑁄. 𑀘𑀺 𑀘𑀬𑁂, 𑀅𑀧𑀧𑀼𑀩𑁆𑀩𑁄 𑀔𑀬𑁂. 𑀤𑁆𑀯𑀬𑀁 𑀲𑀤𑁆𑀤𑁂. 𑀭𑀼 𑀲𑀤𑁆𑀤𑁂, 𑀡𑁄, 𑀯𑀼𑀤𑁆𑀥𑁆𑀬𑀸𑀤𑁂𑀲𑁄. 𑀭𑀡 𑀲𑀤𑁆𑀤𑁂. 𑀅, 𑀭𑀡𑁄.

𑁭𑁬𑁪. 𑀕𑀤 𑀩𑁆𑀬𑀢𑁆𑀢𑀺𑀬𑀁 𑀯𑀸𑀘𑀸𑀬𑀁, 𑀡𑁄, 𑀅 𑀘, 𑀦𑀺𑀕𑀸𑀤𑁄, 𑀦𑀺𑀕𑀤𑁄 𑀘. 𑀤𑁆𑀯𑀬𑀁 𑀫𑀤𑁂. 𑀫𑀤 𑀉𑀫𑁆𑀫𑀸𑀤𑁂, 𑀫𑀸𑀤𑁄, 𑀫𑀤𑁄 𑀘. 𑀲𑀺 𑀩𑀦𑁆𑀥𑀦𑁂,𑀢𑀺, 𑀲𑀺𑀢𑀺.

𑀢𑀺𑀓𑀁 𑀆𑀓𑀸𑀭𑁂. 𑀆𑀓𑀭𑀡𑀁 𑀆𑀓𑀸𑀭𑁄, 𑀅𑀦𑁂𑀓𑀢𑁆𑀣𑀢𑁆𑀢𑀸 𑀫𑀼𑀔𑀯𑀗𑁆𑀓𑀸𑀤𑁆𑀬𑀗𑁆𑀕𑀯𑀺𑀓𑀸𑀭𑁄 𑀯𑀸, 𑀇𑀗𑁆𑀕𑀢𑀺 𑀚𑀸𑀦𑀸𑀢𑀻𑀢𑀺 𑀯𑀸 𑀬𑁂𑀦 𑀆𑀓𑀸𑀭𑁄. 𑀇𑀗𑁆𑀕 𑀕𑀫𑀦𑀢𑁆𑀣𑁄, 𑀢𑁄, 𑀅 𑀘, 𑀇𑀗𑁆𑀕𑀺𑀢𑀁, 𑀇𑀗𑁆𑀕𑁄 𑀘. 𑀅𑀢𑁆𑀣𑀲𑁆𑀲 𑀥𑀦𑀲𑁆𑀲 𑀅𑀧𑀕𑀫𑁄 𑀯𑀺𑀦𑀸𑀲𑁄 𑀩𑁆𑀬𑀬𑁄 𑀦𑀸𑀫. 𑀩𑁆𑀬𑀬 𑀘𑀺𑀢𑁆𑀢𑀲𑀫𑀼𑀲𑁆𑀲𑀕𑁆𑀕𑁂.

𑁭𑁬𑁫. 𑀤𑁆𑀯𑀬𑀁 𑀅𑀦𑁆𑀢𑀭𑀸𑀬𑁂. 𑀘𑀼𑀢𑀺𑀧𑀝𑀺𑀲𑀦𑁆𑀥𑀻𑀦𑀫𑀦𑁆𑀢𑀭𑁂 𑀅𑀬𑀢𑀻𑀢𑀺 𑀅𑀦𑁆𑀢𑀭𑀸𑀬𑁄. 𑀧𑀝𑀺𑀧𑀓𑁆𑀔𑀯𑀲𑁂𑀦 𑀊𑀳𑀢𑀺 𑀧𑀯𑀢𑁆𑀢𑀢𑀻𑀢𑀺 𑀧𑀘𑁆𑀘𑀽𑀳𑁄, 𑀅𑀣 𑀯𑀸 𑀓𑀸𑀭𑀺𑀬𑀲𑀺𑀤𑁆𑀥𑀺 𑀅𑀦𑁆𑀢𑀭𑀁 𑀩𑁆𑀬𑀯𑀥𑀸𑀦𑀁 𑀅𑀬𑀢𑀺 𑀕𑀫𑀬𑀢𑀻𑀢𑀺 𑀅𑀦𑁆𑀢𑀭𑀸𑀬𑁄. 𑀧𑀘𑁆𑀘𑀽𑀳𑀦𑁆𑀢𑀺 𑀯𑀺𑀦𑀺𑀳𑀦𑁆𑀢𑀻𑀢𑀺 𑀧𑀘𑁆𑀘𑀽𑀳𑁄.

𑀯𑀺𑀓𑀭𑀡𑀁 𑀅𑀜𑁆𑀜𑀣𑀸 𑀪𑀯𑀦𑀦𑁆𑀢𑀺 𑀯𑀺𑀓𑀸𑀭𑁄, 𑀯𑀺𑀓𑀢𑀺 𑀘, 𑀓𑀭 𑀓𑀭𑀡𑁂, 𑀡𑁄,𑀢𑀺 𑀘.

𑀤𑁆𑀯𑀬𑀁 𑀲𑀪𑀸𑀯𑀯𑀺𑀕𑀫𑁂. 𑀲𑀺𑀮𑀺𑀲 𑀆𑀮𑀺𑀗𑁆𑀕𑀦𑁂, 𑀧𑀯𑀺𑀧𑀼𑀩𑁆𑀩𑁄 𑀢𑀁𑀲𑀪𑀸𑀯𑀯𑀺𑀕𑀫𑁂, 𑀯𑀺𑀕𑀢𑁄 𑀥𑀼𑀭𑁄 𑀲𑀤𑀺𑀲𑀪𑀸𑀯𑁄 𑀬𑀲𑁆𑀫𑀸𑀢𑀺 𑀯𑀺𑀥𑀼𑀭𑁄, ‘‘𑀯𑀺𑀥𑀼𑀭𑀁 𑀧𑀯𑀺𑀲𑀺𑀮𑁂𑀲𑁂, 𑀓𑁆𑀮𑀺𑀯𑀜𑁆𑀘 𑀯𑀺𑀓𑀮𑁂 𑀢𑀺𑀲𑀽’’𑀢𑀺 [𑀘𑀺𑀦𑁆𑀢𑀸𑀫𑀡𑀺𑀝𑀻𑀓𑀸 𑁨𑁨.𑁨𑁦] 𑀭𑀪𑀲𑁄. 𑀯𑀺𑀥 𑀯𑀺𑀥𑀸𑀦𑁂 𑀯𑀸, 𑀉𑀭𑁄. 𑀤𑁆𑀯𑀬𑀁 𑀆𑀲𑀦𑁂. 𑀯𑀺𑀲 𑀧𑀯𑁂𑀲𑀦𑁂, 𑀉𑀧𑀯𑁂𑀲𑀦𑀁. 𑀆𑀲 𑀉𑀧𑀯𑁂𑀲𑀦𑁂, 𑀆𑀲𑀦𑀁.

𑁭𑁬𑁬. 𑀢𑀺𑀧𑀸𑀤𑀁 𑀅𑀥𑀺𑀧𑁆𑀧𑀸𑀬𑁂. 𑀘𑀺𑀢𑁆𑀢𑀫𑀥𑁆𑀬𑀸𑀕𑀦𑁆𑀢𑁆𑀯𑀸 𑀲𑀬𑀢𑀻𑀢𑀺 𑀅𑀚𑁆𑀛𑀸𑀲𑀬𑁄. 𑀅𑀦𑀫𑀺𑀧𑀼𑀩𑁆𑀩𑁂 𑀆𑀲𑀬𑁄. 𑀅𑀥𑀺𑀧𑀬𑀢𑀺 𑀘𑀺𑀢𑁆𑀢𑁂𑀢𑀺 𑀅𑀥𑀺𑀧𑁆𑀧𑀸𑀬𑁄, 𑀡𑁄, 𑀧𑀬 𑀕𑀫𑀦𑁂. 𑀘𑀺𑀢𑁆𑀢𑁂 𑀅𑀪𑀺𑀲𑀦𑁆𑀥𑀸𑀬𑀢𑀻𑀢𑀺 𑀅𑀪𑀺𑀲𑀦𑁆𑀥𑀺, 𑀤𑁆𑀯𑀻𑀲𑀼. 𑀪𑀯𑀢𑀺 𑀘𑀺𑀢𑁆𑀢𑁂𑀢𑀺 𑀪𑀸𑀯𑁄, 𑀡𑁄. 𑀅𑀥𑀺𑀫𑀼𑀘𑁆𑀘𑀦𑀁 𑀘𑀺𑀢𑁆𑀢𑁂 𑀅𑀥𑀺𑀝𑁆𑀞𑀸𑀦𑀁 𑀅𑀥𑀺𑀫𑀼𑀢𑁆𑀢𑀺, 𑀦𑀸𑀭𑀻. 𑀙𑀦𑁆𑀤𑁄 𑀢𑀡𑁆𑀳𑀸𑀬𑀫𑁆𑀧𑀺 𑀯𑀼𑀢𑁆𑀢𑁄.

𑀤𑁆𑀯𑀬𑀁 𑀆𑀤𑀻𑀦𑀯𑁂. 𑀤𑁄𑀲𑁄 𑀧𑀝𑀺𑀖𑁂 𑀯𑀼𑀢𑁆𑀢𑁄. 𑀆 𑀪𑀼𑀲𑁄 𑀤𑀻𑀦𑀁 𑀯𑀸𑀬𑀢𑀺 𑀕𑀫𑀬𑀢𑀻𑀢𑀺 𑀆𑀤𑀻𑀦𑀯𑁄, 𑀤𑀻𑀦 𑀤𑀼𑀕𑁆𑀕𑀢𑀪𑀸𑀯𑁂, 𑀯𑁄, 𑀯𑀻 𑀕𑀫𑀦𑁂 𑀘.

𑁭𑁬𑁭. 𑀤𑁆𑀯𑀬𑀁 𑀆𑀦𑀺𑀲𑀁𑀲𑁂. 𑀲𑀁𑀲 𑀳𑀺𑀁𑀲𑀸𑀣𑀼𑀢𑀻𑀲𑀼, 𑀆𑀦𑀺𑀲𑀁𑀲𑁄 𑀅𑀫𑀼𑀔𑁆𑀬𑀨𑀮𑁂, 𑀫𑀼𑀔𑁆𑀬𑀨𑀮𑁂 𑀘, 𑀢𑀣𑀸 𑀕𑀼𑀡𑁄. 𑀕𑀼𑀡 𑀧𑀓𑀸𑀲𑀦𑁂, 𑀧𑀓𑀸𑀲𑁂𑀢𑀺 𑀓𑀸𑀭𑀡𑀦𑁆𑀢𑀺 𑀕𑀼𑀡𑁄, 𑀕𑀡 𑀲𑀗𑁆𑀔𑁆𑀬𑀸𑀦𑁂 𑀯𑀸, 𑀅𑀲𑁆𑀲𑀼, 𑀕𑀼𑀡𑁄. 𑀤𑁆𑀯𑀬𑀁 𑀫𑀚𑁆𑀛𑁂. 𑀫𑀚 𑀲𑀼𑀤𑁆𑀥𑀺𑀬𑀁, 𑀛𑁄. 𑀯𑀺𑀧𑀼𑀩𑁆𑀩𑁂 𑀯𑁂𑀫𑀚𑁆𑀛𑀁.

𑀤𑁆𑀯𑀬𑀁 𑀢𑀭𑀼𑀡𑀲𑀽𑀭𑀺𑀬𑀝𑁆𑀞𑀸𑀦𑁂. 𑀅𑀳𑀲𑁆𑀲 𑀫𑀚𑁆𑀛𑁄 𑀫𑀚𑁆𑀛𑀳𑁄, 𑀲𑁄 𑀏𑀯 𑀫𑀚𑁆𑀛𑀦𑁆𑀳𑀺𑀓𑁄, 𑀳𑀲𑁆𑀲 𑀦𑁆𑀳𑁄 [𑀫𑁄𑀕𑁆𑀕𑀮𑁆𑀮𑀸𑀦 𑁩.𑁧𑁧𑁦 𑀲𑀼𑀢𑁆𑀢𑀁 𑀧𑀲𑁆𑀲𑀺𑀢𑀩𑁆𑀩𑀁]. 𑀅𑀳𑀲𑁆𑀲 𑀫𑀚𑁆𑀛𑁄 𑀫𑀚𑁆𑀛𑀦𑁆𑀳𑁄, 𑀫𑀚𑁆𑀛𑀦𑁆𑀢𑁄𑀧𑀺. 𑀤𑁆𑀯𑀬𑀁 𑀦𑀸𑀦𑀢𑁆𑀢𑀸𑀬𑀁. 𑀯𑀺𑀕𑀢𑀸 𑀫𑀢𑁆𑀢𑀸 𑀲𑀤𑀺𑀲𑀧𑁆𑀧𑀫𑀸𑀡𑀁 𑀏𑀢𑁂𑀦 𑀳𑁂𑀢𑀼𑀪𑀽𑀢𑁂𑀦 𑀯𑁂𑀫𑀢𑁆𑀢𑀁. 𑀦𑀸𑀦𑀫𑁂𑀯 𑀦𑀸𑀦𑀢𑀸, 𑀦𑀸𑀦𑀲𑀤𑁆𑀤𑁄 𑀧𑀼𑀦𑁆𑀦𑀧𑀼𑀁𑀲𑀓𑁂, 𑀅𑀩𑁆𑀬𑀬𑁂 𑀢𑀼 𑀦𑀸𑀦𑀸.

𑁭𑁬𑁮. 𑀤𑁆𑀯𑀬𑀁 𑀦𑀺𑀤𑁆𑀤𑀸𑀧𑀝𑀺𑀓𑁆𑀔𑁂𑀧𑁂. 𑀚𑀸𑀕𑀭 𑀦𑀺𑀤𑁆𑀤𑀓𑁆𑀔𑀬𑁂, 𑀚𑀸𑀕𑀭𑀫𑁂𑀯 𑀚𑀸𑀕𑀭𑀺𑀬𑁄. 𑀤𑁆𑀯𑀬𑀁 𑀚𑀮𑀸𑀤𑀻𑀦𑀫𑀯𑀺𑀘𑁆𑀙𑀦𑁆𑀦𑀸𑀬𑀁 𑀲𑀦𑁆𑀢𑀢𑀺𑀬𑀁. 𑀯𑀳𑀢𑀺𑀲𑁆𑀫𑀸 𑀡𑁄, 𑀧𑀯𑀸𑀳𑁄. 𑀯𑀢𑀼 𑀆𑀯𑀢𑁆𑀢𑀦𑁂,𑀢𑀺, 𑀧𑀯𑀢𑁆𑀢𑀺.

𑀢𑀺𑀓𑀁 𑀯𑀺𑀢𑁆𑀣𑀸𑀭𑁂. 𑀅𑀲𑀼 𑀔𑁂𑀧𑀦𑁂, 𑀡𑁄, 𑀩𑁆𑀬𑀸𑀲𑁄. 𑀧𑀧𑀼𑀩𑁆𑀩𑁄 𑀧𑀜𑁆𑀘 𑀯𑀺𑀢𑁆𑀣𑀸𑀭𑁂. 𑀣𑀭 𑀲𑀦𑁆𑀣𑀭𑀡𑁂, 𑀧𑀸𑀤𑀺𑀧𑀼𑀩𑁆𑀩𑁄 𑀘 𑀯𑀺𑀢𑁆𑀣𑀸𑀭𑁂. 𑀢𑀺𑀓𑀁 𑀲𑀁𑀬𑀫𑁂. 𑀬𑀫𑀼 𑀉𑀧𑀭𑀫𑁂, 𑀡𑁄, 𑀬𑀸𑀫𑁄. 𑀇𑀢𑀭𑁂𑀲𑀼 𑀅.

𑁭𑁬𑁯. 𑀤𑁆𑀯𑀬𑀁 𑀕𑀢𑁆𑀢𑀸𑀦𑀁 𑀫𑀤𑁆𑀤𑀦𑁂. ‘‘𑀲𑀫𑁆𑀩𑀸𑀳𑀦𑁄’𑀗𑁆𑀕𑀫𑀤𑁆𑀤𑀓𑁄’’𑀢𑀺 𑀯𑁄𑀧𑀸𑀮𑀺𑀢𑁄, 𑀲𑀁𑀧𑀼𑀩𑁆𑀩𑁄 𑀯𑀸𑀳 𑀧𑀬𑀢𑀦𑁂, 𑀫𑀤𑁆𑀤𑀦𑁂 𑀯𑀸, 𑀬𑀼. 𑀫𑀤𑁆𑀤 𑀫𑀤𑁆𑀤𑀦𑁂. 𑀤𑁆𑀯𑀬𑀁 𑀦𑀸𑀦𑀸𑀭𑀫𑁆𑀫𑀡𑀸𑀤𑀻𑀲𑀼 𑀯𑀺𑀲𑀧𑁆𑀧𑀦𑁂. 𑀲𑀭 𑀕𑀫𑀦𑁂, 𑀡. 𑀲𑀧𑁆𑀧 𑀕𑀫𑀦𑁂, 𑀬𑀼, 𑀯𑀺𑀲𑀧𑁆𑀧𑀦𑀁.

𑀤𑁆𑀯𑀬𑀁 𑀧𑀭𑀺𑀘𑀬𑁂. 𑀣𑀼 𑀅𑀪𑀺𑀢𑁆𑀣𑀯𑁂. 𑀘𑀺 𑀘𑀬𑁂. 𑀢𑀺𑀓𑀁 𑀲𑀗𑁆𑀕𑀫𑁂. 𑀫𑀺𑀮 𑀲𑀺𑀮𑁂𑀲𑀦𑁂, 𑀡𑁄, 𑀲𑀓𑀢𑁆𑀣𑁂 𑀓𑁄, 𑀫𑁂𑀮𑀓𑁄. 𑀲𑀦𑁆𑀚 𑀲𑀗𑁆𑀕𑁂, 𑀡𑁄. 𑀲𑀁𑀧𑀼𑀩𑁆𑀩𑀸 𑀕𑀫𑀺𑀢𑁄 𑀅.

𑁭𑁭𑁦. 𑀲𑀦𑁆𑀦𑀺𑀓𑀝𑁆𑀞𑀫𑁆𑀳𑀺 𑀲𑀫𑀻𑀧𑁂 𑀲𑀦𑁆𑀦𑀺𑀥𑀺𑀲𑀤𑁆𑀤𑁄, 𑀲𑀦𑁆𑀦𑀺𑀥𑀸𑀦𑀁 𑀲𑀦𑁆𑀦𑀺𑀥𑀺, 𑀧𑀼𑀫𑁂, 𑀞𑀧𑀦𑁂𑀧𑁆𑀬𑀬𑀁. 𑀦𑀲 𑀅𑀤𑀲𑁆𑀲𑀦𑁂, 𑀡𑁄. 𑀤𑀺𑀲 𑀧𑁂𑀓𑁆𑀔𑀦𑁂, 𑀬𑀼, 𑀤𑀺𑀲𑁆𑀲𑀸𑀤𑁂𑀲𑁄, 𑀇𑀲𑁆𑀲𑀢𑁆𑀢𑀁.

𑀢𑀺𑀓𑀁 𑀥𑀜𑁆𑀜𑀸𑀤𑀻𑀦𑀁 𑀮𑀯𑀦𑁂. 𑀮𑀽 𑀙𑁂𑀤𑀦𑁂, 𑀅. 𑀡𑀫𑁆𑀳𑀺 𑀅𑀪𑀺𑀮𑀸𑀯𑁄. 𑀬𑀼𑀫𑁆𑀳𑀺 𑀮𑀯𑀦𑀁. 𑀤𑁆𑀯𑀬𑀁 𑀔𑀡𑀧𑁆𑀧𑀢𑁆𑀢𑀺𑀬𑀁. 𑀧𑀧𑀼𑀩𑁆𑀩𑁄 𑀣𑀼 𑀅𑀪𑀺𑀢𑁆𑀣𑀯𑁂. 𑀲𑀭 𑀕𑀫𑀦𑁂, 𑀅𑀯𑀲𑀭𑁄. 𑀲𑀫𑀸𑀢𑀺 𑀤𑁆𑀯𑁂 𑀢𑀼𑀮𑁆𑀬𑀢𑁆𑀣𑀸.

𑁭𑁭𑁧. 𑀘𑀢𑀼𑀓𑁆𑀓𑀁 𑀧𑀭𑀺𑀬𑁄𑀲𑀸𑀦𑁂. 𑀲𑀸 𑀢𑀦𑀼𑀓𑀭𑀡𑁂, 𑀬𑀼, 𑀑𑀲𑀸𑀦𑀁. 𑀧𑀭𑀺𑀧𑀼𑀩𑁆𑀩𑁄 𑀧𑀭𑀺𑀬𑁄𑀲𑀸𑀦𑀁. 𑀉𑀓𑁆𑀓𑀁𑀲𑀸𑀢𑀺𑀲𑀬𑀸 𑀧𑀓𑀝𑁆𑀞𑁂𑀧𑁆𑀬𑀼𑀢𑁆𑀢𑀸.

𑀤𑁆𑀯𑀬𑀁 𑀲𑀡𑁆𑀞𑀸𑀦𑁂. 𑀯𑀺𑀲 𑀧𑀯𑁂𑀲𑀦𑁂, 𑀲𑀦𑁆𑀦𑀺𑀯𑁂𑀲𑁄. 𑀞𑀸 𑀕𑀢𑀺𑀦𑀺𑀯𑀢𑁆𑀢𑀺𑀬𑀁, 𑀬𑀼, 𑀲𑀡𑁆𑀞𑀸𑀦𑀁. 𑀤𑁆𑀯𑀬𑀁 𑀅𑀩𑁆𑀪𑀦𑁆𑀢𑀭𑀯𑀸𑀘𑀓𑀁 𑀧𑀸𑀝𑀺𑀧𑀤𑀺𑀓𑀁. 𑀅𑀣 𑀯𑀸 𑀅𑀪𑀺 𑀩𑀦𑁆𑀥𑀦𑁂, 𑀅𑀭𑁄, 𑀥𑀸𑀢𑁆𑀯𑀢𑁆𑀣𑀸𑀦𑀼𑀯𑀢𑁆𑀢𑀓𑁄 𑀅𑀪𑀺, 𑀅𑀩𑁆𑀪𑀦𑁆𑀢𑀭𑀁. 𑀅𑀩𑁆𑀪𑀸𑀪𑀸𑀯𑁂 𑀅𑀦𑁆𑀢𑀭𑀁.

𑁭𑁭𑁨. 𑀢𑀺𑀓𑀁 𑀧𑀸𑀝𑀺𑀳𑀸𑀭𑀺𑀬𑁂. 𑀳𑀺 𑀕𑀢𑀺𑀫𑁆𑀳𑀺, 𑀧𑀝𑀺𑀢𑁄 𑀳𑀺𑀲𑁆𑀲 𑀳𑁂𑀭𑀡 𑀳𑀻𑀭𑀡, 𑀧𑀸𑀝𑀺𑀳𑁂𑀭𑀁, 𑀧𑀸𑀝𑀺𑀳𑀻𑀭𑀁. 𑀬𑀤𑀸𑀤𑀺𑀦𑀸 𑀳𑀸𑀭𑀺𑀬𑀜𑁆𑀘, 𑀧𑀸𑀝𑀺𑀳𑀸𑀭𑀺𑀬𑀁, 𑀅𑀣 𑀯𑀸 𑀧𑀝𑀺𑀧𑀓𑁆𑀔𑁂 𑀳𑀭𑀢𑀻𑀢𑀺 𑀧𑀸𑀝𑀺𑀳𑀻𑀭𑀁, 𑀡𑁄, 𑀅𑀲𑁆𑀲𑀻. 𑀏𑀓𑀸𑀭𑀸𑀤𑁂𑀲𑁂 𑀧𑀸𑀝𑀺𑀳𑁂𑀭𑀁. 𑀡𑁆𑀬𑀫𑁆𑀳𑀺 𑀧𑀸𑀝𑀺𑀳𑀸𑀭𑀺𑀬𑀁, 𑀯𑀺𑀳𑀢𑀼𑀧𑀓𑁆𑀓𑀺𑀮𑁂𑀲𑁂𑀦 𑀧𑀘𑁆𑀘𑀸𑀳𑀭𑀺𑀢𑀩𑁆𑀩𑀁 𑀧𑀯𑀢𑁆𑀢𑁂𑀢𑀩𑁆𑀩𑀦𑁆𑀢𑀺 𑀧𑀸𑀝𑀺𑀳𑀻𑀭𑀦𑁆𑀢𑀺𑀆𑀤𑀺𑀧𑀺 𑀓𑀸𑀢𑀩𑁆𑀩𑀁.

𑀤𑁆𑀯𑀬𑀁 𑀓𑀢𑁆𑀢𑀩𑁆𑀩𑀫𑀢𑁆𑀢𑁂. 𑀓𑀭𑀫𑁆𑀳𑀸 𑀭𑀺𑀘𑁆𑀘, 𑀓𑀺𑀘𑁆𑀘𑀁, 𑀅𑀯𑀲𑁆𑀲𑀁 𑀓𑀸𑀢𑀩𑁆𑀩𑁂𑀧𑀺. 𑀅𑀦𑀻𑀬𑀧𑀘𑁆𑀘𑀬𑁂 𑀓𑀭𑀡𑀻𑀬𑀁.

𑀤𑁆𑀯𑀬𑀁 𑀧𑀼𑀧𑁆𑀨𑀸𑀤𑀺𑀦𑀸 𑀉𑀤𑀓𑀸𑀤𑀻𑀦𑀁 𑀧𑀭𑀺𑀪𑀸𑀯𑀦𑁂. 𑀲𑀼𑀦𑁆𑀤𑀭𑀁 𑀓𑀭𑀻𑀬𑀢𑁂 𑀬𑁂𑀦𑀸𑀢𑀺 𑀲𑀗𑁆𑀔𑀸𑀭𑁄, 𑀡𑁄, 𑀔𑀭𑀸𑀤𑁂𑀲𑁄. 𑀯𑀲 𑀦𑀺𑀯𑀸𑀲𑁂, 𑀬𑀼, 𑀯𑀸𑀲𑀦𑀸, 𑀓𑀺𑀮𑁂𑀲𑀸𑀤𑀻𑀦𑀁 𑀲𑀢𑁆𑀢𑀺𑀯𑀺𑀲𑁂𑀲𑁂𑀧𑀺. 𑀲𑀸 𑀳𑀺 𑀓𑀼𑀲𑀮𑀸𑀧𑀺 𑀅𑀢𑁆𑀣𑀺 𑀅𑀓𑀼𑀲𑀮𑀸𑀧𑀺 𑀅𑀩𑁆𑀬𑀸𑀓𑀢𑀸𑀧𑀺, 𑀢𑀣𑀸 𑀧𑀳𑀸𑀢𑀩𑁆𑀩𑀸𑀧𑀺 𑀅𑀢𑁆𑀣𑀺 𑀅𑀧𑁆𑀧𑀳𑀸𑀢𑀩𑁆𑀩𑀸𑀧𑀺. 𑀢𑀢𑁆𑀣 𑀬𑀸 𑀓𑀼𑀲𑀮𑀸𑀩𑁆𑀬𑀸𑀓𑀢𑀸, 𑀦 𑀲𑀸 𑀧𑀳𑀸𑀢𑀩𑁆𑀩𑀸. 𑀬𑀸 𑀧𑀦 𑀅𑀓𑀼𑀲𑀮𑀸, 𑀲𑀸 𑀲𑀼𑀔𑀼𑀫𑀢𑀭𑀢𑀸𑀬 𑀪𑀕𑀯𑀢𑁄𑀬𑁂𑀯 𑀅𑀭𑀺𑀬𑀫𑀕𑁆𑀕𑁂𑀦 𑀧𑀳𑀸𑀢𑀩𑁆𑀩𑀸, 𑀦𑀸𑀜𑁆𑀜𑁂𑀲𑀁. 𑀏𑀯𑀁 𑀲𑀦𑁆𑀢𑁂 𑀅𑀭𑀺𑀬𑀸𑀦𑀫𑁆𑀧𑀺 𑀅𑀧𑀸𑀬𑀽𑀧𑀧𑀢𑁆𑀢𑀺 𑀲𑀺𑀬𑀸𑀢𑀺? 𑀦 𑀲𑀺𑀬𑀸, 𑀲𑀩𑁆𑀩𑁂𑀲𑀫𑁂𑀯 𑀅𑀭𑀺𑀬𑀸𑀦𑀁 𑀅𑀧𑀸𑀬𑀽𑀧𑀧𑀢𑁆𑀢𑀺𑀳𑁂𑀢𑀼𑀓𑀸𑀬 𑀯𑀸𑀲𑀦𑀸𑀬 𑀧𑀳𑀻𑀦𑀢𑁆𑀢𑀸. 𑀤𑀼𑀯𑀺𑀥𑀸 𑀳𑀺 𑀅𑀓𑀼𑀲𑀮𑀸 𑀯𑀸𑀲𑀦𑀸 𑀓𑀸𑀬𑀯𑀘𑀻𑀧𑀬𑁄𑀕𑀳𑁂𑀢𑀼𑀪𑀽𑀢𑀸 𑀘 𑀅𑀧𑀸𑀬𑀽𑀧𑀧𑀢𑁆𑀢𑀺𑀳𑁂𑀢𑀼𑀪𑀽𑀢𑀸 𑀘. 𑀢𑀢𑁆𑀣 𑀧𑀼𑀭𑀺𑀫𑀸 𑀪𑀕𑀯𑀢𑁄𑀬𑁂𑀯 𑀅𑀭𑀺𑀬𑀫𑀕𑁆𑀕𑁂𑀦 𑀧𑀳𑀸𑀢𑀩𑁆𑀩𑀸, 𑀇𑀢𑀭𑀸 𑀲𑀩𑁆𑀩𑁂𑀲𑀫𑁆𑀧𑀺 𑀅𑀭𑀺𑀬𑀫𑀕𑁆𑀕𑁂𑀦𑀸𑀢𑀺, 𑀢𑀲𑁆𑀫𑀸 𑀬𑀁 𑀯𑀼𑀢𑁆𑀢𑀁 ‘‘𑀩𑀼𑀤𑁆𑀥𑀸𑀯 𑀲𑀯𑀸𑀲𑀦𑁂 𑀓𑀺𑀮𑁂𑀲𑁂 𑀧𑀚𑀳𑀺𑀢𑀼𑀁 𑀲𑀓𑁆𑀓𑁄𑀦𑁆𑀢𑀺, 𑀦𑀸𑀜𑁆𑀜𑁂’’𑀢𑀺, 𑀢𑀁 𑀓𑀸𑀬𑀯𑀘𑀻𑀧𑀬𑁄𑀕𑀳𑁂𑀢𑀼𑀪𑀽𑀢𑀁 𑀯𑀸𑀲𑀦𑀁 𑀲𑀦𑁆𑀥𑀸𑀬 𑀯𑀼𑀢𑁆𑀢𑀁, 𑀦𑁂𑀢𑀭𑀦𑁆𑀢𑀺 𑀦𑀺𑀝𑁆𑀞𑀫𑁂𑀢𑁆𑀣𑀸𑀯𑀕𑀦𑁆𑀢𑀩𑁆𑀩𑀁.

𑁭𑁭𑁩. 𑀢𑀺𑀓𑀁 𑀥𑀜𑁆𑀜𑀸𑀤𑀻𑀦𑀁 𑀧𑀽𑀢𑀓𑀭𑀡𑁂. 𑀧𑀽 𑀧𑀯𑀦𑁂, 𑀬𑀼. 𑀅𑀧𑀘𑁆𑀘𑀬𑁂 𑀧𑀯𑁄. 𑀡𑀫𑁆𑀳𑀺 𑀦𑀺𑀧𑁆𑀧𑀸𑀯𑁄. 𑀤𑁆𑀯𑀬𑀁 𑀢𑀲𑀭𑁂. 𑀢𑀲 𑀉𑀩𑁆𑀩𑁂𑀕𑁂, 𑀅𑀭𑁄. 𑀲𑀼𑀢𑁆𑀢𑁂𑀦 𑀯𑁂𑀞𑀦𑀁 𑀲𑀼𑀢𑁆𑀢𑀯𑁂𑀞𑀦𑀁.

𑀤𑁆𑀯𑀬𑀁 𑀤𑀼𑀕𑁆𑀕𑀲𑀜𑁆𑀘𑀸𑀭𑁂. 𑀲𑀗𑁆𑀓𑀫𑁆𑀬𑀢𑁂 𑀬𑁂𑀦𑀸𑀢𑀺 𑀲𑀗𑁆𑀓𑀫𑁄. 𑀲𑀜𑁆𑀘𑀭𑀦𑁆𑀢𑀺 𑀅𑀦𑁂𑀦𑀸𑀢𑀺 𑀲𑀜𑁆𑀘𑀸𑀭𑁄, 𑀤𑀼𑀕𑁆𑀕𑀲𑁆𑀲 𑀲𑀜𑁆𑀘𑀸𑀭𑁄 𑀤𑀼𑀕𑁆𑀕𑀲𑀜𑁆𑀘𑀸𑀭𑁄. 𑀤𑁆𑀯𑀬𑀁 𑀧𑀞𑀫𑀸𑀭𑀫𑁆𑀪𑁂. 𑀧𑀞𑀫𑀁 𑀓𑀫𑁄 𑀧𑀓𑁆𑀓𑀫𑁄, 𑀉𑀧𑀓𑁆𑀓𑀫𑁄 𑀘.

𑁭𑁭𑁪. 𑀢𑀺𑀓𑀁 𑀧𑀸𑀞𑁂. 𑀧𑀞 𑀯𑀺𑀬𑀢𑁆𑀢𑀺𑀬𑀁 𑀯𑀸𑀘𑀸𑀬𑀁, 𑀡𑁄, 𑀧𑀸𑀞𑁄. 𑀦𑀺𑀧𑀼𑀩𑁆𑀩𑁂 𑀦𑀺𑀧𑀸𑀞𑁄, 𑀅𑀫𑁆𑀳𑀺 𑀦𑀺𑀧𑀞𑁄. 𑀤𑁆𑀯𑀬𑀁 𑀅𑀧𑀳𑀭𑀺𑀢𑀸𑀤𑀺𑀦𑁄 𑀯𑀢𑁆𑀣𑀼𑀦𑁄 𑀅𑀦𑁆𑀯𑁂𑀲𑀦𑁂. 𑀘𑀺 𑀘𑀬𑁂, 𑀘𑀬𑀦𑀫𑀢𑁆𑀭 𑀅𑀦𑁆𑀯𑁂𑀲𑀦𑀁. 𑀫𑀕𑁆𑀕 𑀅𑀦𑁆𑀯𑁂𑀲𑀦𑁂, 𑀘𑀼𑀭𑀸𑀤𑀺, 𑀬𑀼, 𑀏𑀢𑁂 𑀤𑁆𑀯𑁂 𑀅𑀧𑀼𑀫𑁂, 𑀲𑀁𑀯𑀺𑀓𑁆𑀔𑀦𑀁𑀧𑁆𑀬𑀢𑁆𑀭.

𑀘𑀢𑀼𑀓𑁆𑀓𑀁 𑀆𑀮𑀺𑀗𑁆𑀕𑀦𑁂. 𑀮𑀺𑀗𑁆𑀕 𑀕𑀢𑁆𑀬𑀢𑁆𑀣𑁄. 𑀲𑀦𑁆𑀚 𑀲𑀗𑁆𑀕𑁂. 𑀲𑀺𑀮𑀺𑀲 𑀆𑀮𑀺𑀗𑁆𑀕𑀦𑁂. 𑀕𑀼𑀳 𑀲𑀁𑀯𑀭𑀡𑁂, 𑀬𑀼, 𑀧𑀭𑀺𑀭𑀫𑁆𑀪𑁄𑀧𑁆𑀬𑀢𑁆𑀭. 𑀭𑀫𑁆𑀪 𑀲𑀤𑁆𑀤𑁂.

𑁭𑁭𑁫. 𑀘𑀢𑀼𑀓𑁆𑀓𑀁 𑀆𑀮𑁄𑀓𑀦𑁂. 𑀮𑁄𑀓 𑀤𑀲𑁆𑀲𑀦𑁂. 𑀛𑁂 𑀘𑀺𑀦𑁆𑀢𑀸𑀬𑀁. 𑀇𑀓𑁆𑀔 𑀤𑀲𑁆𑀲𑀦𑀗𑁆𑀓𑁂𑀲𑀼. 𑀤𑀺𑀲 𑀧𑁂𑀓𑁆𑀔𑀦𑁂, 𑀲𑀩𑁆𑀩𑀢𑁆𑀭 𑀪𑀸𑀯𑁂 𑀬𑀼.

𑀘𑀢𑀼𑀓𑁆𑀓𑀁 𑀦𑀺𑀭𑀸𑀓𑀭𑀡𑁂. 𑀤𑀺𑀲 𑀧𑁂𑀓𑁆𑀔𑀦𑁂. 𑀅𑀲𑀼 𑀔𑁂𑀧𑀦𑁂, 𑀦𑀺𑀭𑀲𑀦𑀁. 𑀧𑀢𑀺 𑀆𑀧𑀼𑀩𑁆𑀩𑁄 𑀔𑀸𑀓𑀣𑀦𑁂. 𑀓𑀭 𑀓𑀭𑀡𑁂, 𑀇𑀢𑁆𑀣𑀺𑀬𑀫𑀢𑀺𑀬𑀯𑁄 𑀯𑀸,𑀢𑀺.

𑁭𑁭𑁬. 𑀧𑀜𑁆𑀘𑀓𑀁 𑀯𑀺𑀧𑀭𑀺𑀬𑀬𑁂. 𑀯𑀺𑀧𑀭𑀺𑀧𑀼𑀩𑁆𑀩𑁄 𑀅𑀲𑀼 𑀔𑁂𑀧𑀦𑁂, 𑀡𑁄, 𑀯𑀺𑀧𑀮𑁆𑀮𑀸𑀲𑁄. 𑀅𑀜𑁆𑀜𑁂𑀦 𑀧𑀓𑀸𑀭𑁂𑀦 𑀪𑀯𑀦𑀁 𑀅𑀜𑁆𑀜𑀣𑀸𑀪𑀸𑀯𑁄. 𑀯𑀺𑀧𑀭𑀺𑀧𑀼𑀩𑁆𑀩𑁄 𑀅𑀬 𑀕𑀫𑀦𑁂, 𑀯𑀺𑀧𑀭𑀺𑀬𑀬𑁄. 𑀅𑀲𑀼 𑀔𑁂𑀧𑀦𑁂, 𑀯𑀺𑀧𑀭𑀺𑀬𑀸𑀲𑁄.

𑀢𑀺𑀓𑀁 𑀅𑀢𑀺𑀓𑁆𑀓𑀫𑁂. 𑀅𑀢𑀺𑀓𑁆𑀓𑀫𑀦𑀁 𑀅𑀢𑀺𑀓𑁆𑀓𑀫𑁄. 𑀅𑀢𑀺𑀓𑁆𑀓𑀫𑁆𑀫 𑀧𑀢𑀦𑀁 𑀅𑀢𑀺𑀧𑀸𑀢𑁄. 𑀅𑀬 𑀕𑀫𑀦𑁂, 𑀉𑀧𑀘𑁆𑀘𑀬𑁄.

𑀲𑀁𑀓𑀺𑀡𑁆𑀡𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.