𑁬. 𑀫𑀳𑀦𑁆𑀢𑀢𑁆𑀢𑀲𑀼𑀢𑁆𑀢𑀁

𑁮𑁦. ‘‘𑀙𑀳𑀺, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀪𑀺𑀓𑁆𑀔𑀼 𑀦𑀘𑀺𑀭𑀲𑁆𑀲𑁂𑀯 𑀫𑀳𑀦𑁆𑀢𑀢𑁆𑀢𑀁 [𑀫𑀳𑀢𑁆𑀢𑀁 (𑀲𑁆𑀬𑀸. 𑀓𑀁.)] 𑀯𑁂𑀧𑀼𑀮𑁆𑀮𑀢𑁆𑀢𑀁 𑀧𑀸𑀧𑀼𑀡𑀸𑀢𑀺 𑀥𑀫𑁆𑀫𑁂𑀲𑀼. 𑀓𑀢𑀫𑁂𑀳𑀺 𑀙𑀳𑀺? 𑀇𑀥, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀆𑀮𑁄𑀓𑀩𑀳𑀼𑀮𑁄 𑀘 𑀳𑁄𑀢𑀺 𑀬𑁄𑀕𑀩𑀳𑀼𑀮𑁄 𑀘 𑀯𑁂𑀤𑀩𑀳𑀼𑀮𑁄 𑀘 𑀅𑀲𑀦𑁆𑀢𑀼𑀝𑁆𑀞𑀺𑀩𑀳𑀼𑀮𑁄 𑀘 𑀅𑀦𑀺𑀓𑁆𑀔𑀺𑀢𑁆𑀢𑀥𑀼𑀭𑁄 𑀘 𑀓𑀼𑀲𑀮𑁂𑀲𑀼 𑀥𑀫𑁆𑀫𑁂𑀲𑀼 𑀉𑀢𑁆𑀢𑀭𑀺 𑀘 𑀧𑀢𑀸𑀭𑁂𑀢𑀺 [𑀧𑀓𑀭𑁄𑀢𑀺 (𑀓.)]. 𑀇𑀫𑁂𑀳𑀺 𑀔𑁄, 𑀪𑀺𑀓𑁆𑀔𑀯𑁂, 𑀙𑀳𑀺 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀪𑀺𑀓𑁆𑀔𑀼 𑀦𑀘𑀺𑀭𑀲𑁆𑀲𑁂𑀯 𑀫𑀳𑀦𑁆𑀢𑀢𑁆𑀢𑀁 𑀯𑁂𑀧𑀼𑀮𑁆𑀮𑀢𑁆𑀢𑀁 𑀧𑀸𑀧𑀼𑀡𑀸𑀢𑀺 𑀥𑀫𑁆𑀫𑁂𑀲𑀽’’𑀢𑀺. 𑀙𑀝𑁆𑀞𑀁.