সাসনপট্ঠানৰণ্ণনা

ইদং পন সুত্তং সোল়সৰিধে সাসনপট্ঠানে সংকিলেসৰাসনাসেক্খভাগিযং তণ্হাদিট্ঠাদিসংকিলেসানং সীলাদিপুঞ্ঞকিরিযস্স, অসেক্খসীলাদিক্খন্ধস্স চ ৰিভত্তত্তা, সংকিলেসৰাসনানিব্বেধাসেক্খভাগিযমেৰ ৰা যথাৰুত্তত্থানং সেক্খসীলক্খন্ধাদিকস্স চ ৰিভত্তত্তা. অট্ঠৰীসতিৰিধে পন সাসনপট্ঠানে লোকিযলোকুত্তরং সত্তধম্মাধিট্ঠানং ঞাণঞেয্যং দস্সনভাৰনং সকৰচনপরৰচনং ৰিস্সজ্জনীযাৰিস্সজ্জনীযং কম্মৰিপাকং কুসলাকুসলং অনুঞ্ঞাতপটিক্খিত্তং ভৰো চ লোকিযলোকুত্তরাদীনমত্থানং ইধ ৰিভত্তত্তাতি. অযং সাসনপট্ঠানযোজনা.

পকরণনযৰণ্ণনা নিট্ঠিতা.

ইতি সুমঙ্গলৰিলাসিনিযা দীঘনিকাযট্ঠকথায পরমসুখুমগম্ভীরদুরনুবোধত্থপরিদীপনায সুৰিমলৰিপুলপঞ্ঞাৰেয্যত্তিযজননায অজ্জৰমদ্দৰসোরচ্চসদ্ধাসতিধিতিবুদ্ধিখন্তিৰীরিযাদিধম্মসমঙ্গিনা সাট্ঠকথে পিটকত্তযে অসঙ্গাসংহীরৰিসারদঞাণচারিনা অনেকপ্পভেদসকসমযসমযন্তরগহনজ্ঝোগাহিনা মহাগণিনা মহাৰেয্যাকরণেন ঞাণাভিৰংসধম্মসেনাপতিনামথেরেন মহাধম্মরাজাধিরাজগরুনা কতায সাধুৰিলাসিনিযা নাম লীনত্থপকাসনিযা ব্রহ্মজালসুত্তৰণ্ণনায লীনত্থৰিভাৰনা.

ব্রহ্মজালসুত্তৰণ্ণনা নিট্ঠিতা.

পঠমো ভাগো নিট্ঠিতো.