মহাসঙ্গামং

ৰোহরন্তেন জানিতব্বাদিৰণ্ণনা

৩৬৮-৩৭৪. মহাসঙ্গামে পাল়িযং সঙ্গামাৰচরেনাতি অনুৰিজ্জকং সন্ধায ৰুত্তং. ৰত্থূতি মেথুনাদিৰীতিক্কমো. নিদানন্তি ৰেসালিআদিপঞ্ঞত্তিট্ঠানং. পুগ্গলো অকারকো জানিতব্বোতি এত্থ সঙ্ঘে ৰা গণে ৰা পরিণাযকভূতো পুগ্গলোতি দট্ঠব্বং.

৩৭৫. ৰিস্সট্ঠিসিক্খাপদন্তি নীলাদিদসন্নং সুক্কানং মোচনৰসেন ৰুত্তং সুক্কৰিস্সট্ঠিসিক্খাপদং. তঞ্হি তেলাদিমন্দৰণ্ণানং নীলাদিপচুরৰণ্ণানং ৰসেন ‘‘ৰণ্ণাৰণ্ণা’’তি ৰুত্তং. পচুরত্থে হি ইধ অৰণ্ণোতি অ-কারো.

৩৭৯. যাৰ অকনিট্ঠব্রহ্মানো দ্ৰিধা হোন্তীতি এত্থ অৰিহাদিসুদ্ধাৰাসিকা অঞ্ঞভূমীসু অরিযা ধম্মৰাদীপক্খং এৰ ভজন্তি, ইতরে দুৰিধম্পীতি দট্ঠব্বং.

ৰোহরন্তেন জানিতব্বাদিৰণ্ণনা নিট্ঠিতা.