৭. নিক্কড্ঢনসিক্খাপদৰণ্ণনা

১২৬. সত্তমে কোট্ঠকানীতি দ্ৰারকোট্ঠকানি.

১২৮. ‘‘সকলসঙ্ঘারামতো নিক্কড্ঢিতুং ন ৰট্টতী’’তি ইদং অননুরূপতো ৰুত্তং. পাপগরহিতায হি অকুপিতচিত্তেন নিক্কড্ঢাপেন্তস্স ইমিনা সিক্খাপদেন আপত্তি নত্থি ‘‘কুপিতো অনত্তমনো’’তি ৰুত্তত্তা. অঞ্ঞাপেক্খা আপত্তি ন দিস্সতি. পাল়িযং ‘‘অলজ্জিং নিক্কড্ঢতী’’তিআদীসু চিত্তস্স লহুপরিৰত্তিতায অন্তরন্তরা কোপে উপ্পন্নেপি অনাপত্তি অলজ্জিতাদিপচ্চযেনেৰ নিক্কড্ঢনস্স আরদ্ধত্তা. সঙ্ঘিকৰিহারো, উপসম্পন্নস্স ভণ্ডনকারকভাৰাদিৰিনিমুত্ততা, কোপেন নিক্কড্ঢনং ৰা নিক্কড্ঢাপনং ৰাতি ইমানেত্থ তীণি অঙ্গানি.

নিক্কড্ঢনসিক্খাপদৰণ্ণনা নিট্ঠিতা.