১০. পরিণতসিক্খাপদৰণ্ণনা
৬৬০. দসমে রোপিতমালৰচ্ছতোতি কেনচি নিযমেত্ৰা রোপিতং সন্ধায ৰুত্তং. অনোচিতং মিলাযমানং ওচিনিত্ৰা যত্থ কত্থচি পূজেতুং ৰট্টতি. ঠিতং দিস্ৰাতি সেসকং গহেত্ৰা ঠিতং দিস্ৰা. যত্থ ইচ্ছথ, তত্থ দেথাতি এত্থ নিযমেত্ৰা ‘‘অসুকস্স দেহী’’তি ৰুত্তেপি দোসো নত্থি ‘‘তুম্হাকং রুচিযা’’তি ৰুত্তত্তা. সঙ্ঘে পরিণতভাৰো, তং ঞত্ৰা অত্তনো পরিণামনং, পটিলাভোতি ইমানেত্থ তীণি অঙ্গানি.
পরিণতসিক্খাপদৰণ্ণনা নিট্ঠিতা.
নিট্ঠিতো পত্তৰগ্গো ততিযো.
ইতি সমন্তপাসাদিকায ৰিনযট্ঠকথায ৰিমতিৰিনোদনিযং
তিংসকৰণ্ণনানযো নিট্ঠিতো.
পঠমো ভাগো নিট্ঠিতো.
নমো তস্স ভগৰতো অরহতো সম্মাসম্বুদ্ধস্স