১. পঠমাদিসিক্খাপদৰণ্ণনা

১০৬৭. ‘‘গব্ভিনি’’ন্তি দস্সনাদীহিপি গব্ভসম্ভৰতো ৰুত্তং. পদভাজনেপি পৰারিতভাৰো ন দিস্সতি.

১০৭৪. ধাতি ৰাতি এত্থ দারকং সামিকানং দত্ৰা আহটে ৰড্ঢেতি, তথা মাতাপীতি কেচি.

১০৮০. ‘‘সিক্খমান’’ন্তি পাঠং দীপৰাসিনো রোচেন্তি কিরিযাকিরিযত্তা, জম্বুদীপৰাসিনো ‘‘সিক্খমানা’’তি. তস্সত্থো সিক্খাধম্মমাননতো সিক্খমানাতি. ইধ কিরিযা ন হোতি, সঞ্ঞাৰ অধিপ্পেতা. ন এতাসু অসিক্খিতা উপসম্পাদেতব্বা উপজ্ঝাযিনীআদীনং আপত্তিভাৰা. ‘‘তস্সা উপসম্পদা হোতি এৰা’’তি ৰদন্তি.

১০৮২. ধম্মকম্মেতি উপসম্পদকম্মং অধিপ্পেতং.

১১১২. ৰুট্ঠাপিতন্তি সামণেরিভূমিতো যায থেরিযা উপসম্পদাপেক্খা ৰুট্ঠপিতা, সা থেরী ৰুট্ঠাপিতা নাম, তেনেৰ পুন ৰিসেসনত্থং ‘‘পৰত্তিনি’’ন্তি আহ.

পঠমাদিসিক্খাপদৰণ্ণনা নিট্ঠিতা.

গব্ভিনিৰগ্গৰণ্ণনা নিট্ঠিতা.