উপালিপঞ্চকৰণ্ণনা

অনিস্সিতৰগ্গৰণ্ণনা

৪১৯. কাযিকউপঘাতিকা নাম কাযেন ৰীতিক্কমো.

নপ্পটিপ্পস্সম্ভনৰগ্গৰণ্ণনা

৪২০. ওমদ্দকারকোতি ওমদ্দিত্ৰা অভিভৰিত্ৰা কারকো.

ৰোহারৰগ্গৰণ্ণনা

৪২৪. ভেদকরৰত্থূনি নিস্সায ৰিৰাদাধিকরণং সমুট্ঠাতি, এৰং যথাসঙ্খ্যং গচ্ছতি. কোধোপনাহাদিদ্ৰাদসমূলপযোগং ৰিৰাদাধিকরণং, তথা সেসেসু. ওসারণাদীসু নৰসু ঠানেসু কম্মঞত্তিযা করণং. দ্ৰীসু ঠানেসু ঞত্তিদুতিযঞত্তিচতুত্থকম্মেসু. যস্মা মহাঅট্ঠকথাযং ৰুত্তনযেনেৰ উভতোৰিভঙ্গা অসঙ্গহিতা, তস্মা যং কুরুন্দিযং ৰুত্তং, তং গহেতব্বন্তি সম্বন্ধো.

দিট্ঠাৰিকম্মৰগ্গৰণ্ণনা

৪২৫. তিণ্ণন্নং উপরি সহ আপত্তিং দেসেতুং ন লব্ভন্তি. কম্মনানাসংৰাসকানং লদ্ধিগ্গহিতকোৰ লদ্ধিনানাসংৰাসকো. ‘‘অৰিপ্পৰাসসীমায ঠিতস্সা’’তি মহাসীমং কির সন্ধায ৰুত্তং.

৪৩৩. ‘‘উম্মাদা চিত্তক্খেপা’’তি পাঠো.

মুসাৰাদৰগ্গৰণ্ণনা

৪৪৪. পরিযাযেন জানন্তস্সাতি যস্স কস্সচি জানন্তস্স পরিযাযেন ৰুত্তমুসাৰাদোতি অত্থো.

৪৪৬. অনুযোগো ন দাতব্বোতি তেন ৰুত্তং অনাদিযিত্ৰা তুণ্হী ভৰিতব্বন্তি অত্থো.

ভিক্খুনোৰাদৰগ্গৰণ্ণনা

৪৫৪. ৰোহারনিরুত্তিযং সদ্দনিরুত্তিযং. মগ্গপচ্চৰেক্খণাদযো একূনৰীসতি.

উব্বাহিকৰগ্গৰণ্ণনা

৪৫৫. পসারেতা মোহেতা.

অধিকরণৰূপসমৰগ্গৰণ্ণনা

৪৫৮. ‘‘যথারত্তন্তি অনুপসম্পন্নে অপেক্খতী’’তিপি ৰদন্তি. ‘‘যথাৰুড্ঢন্তি উপসম্পন্নে অপেক্খতী’’তি লিখিতং.

কথিনত্থারৰগ্গৰণ্ণনা

৪৬৭. ‘‘একাৰত্তো’’তিপি পঠন্তি, তস্স কুদ্ধো কোধাভিভূতোতি কিরত্থো. একৰত্থোতিপি কেচি, উত্তরাসঙ্গং অপনেত্ৰা ঠিতোতি কিরত্থো, তং সব্বং অট্ঠকথাযং উদ্ধটপাল়িযা ৰিরুজ্ঝতীতি. একাৰট্টোতি হি উদ্ধটং, তস্মা ন গহেতব্বং. অন্তরা ৰুত্তকারণেনাতি ‘‘কিচ্চযপসুতত্তা ৰন্দনং অসমন্নাহরন্তো নলাটং পটিহঞ্ঞেয্যা’’তিআদিৰুত্তকারণেন.

উপালিপঞ্চকৰণ্ণনা নিট্ঠিতা.

আপত্তিসমুট্ঠানৰণ্ণনা

৪৭০. পুব্বে ৰুত্তমেৰাতি সহসেয্যাদিপণ্ণত্তিৰজ্জং. ইতরন্তি সচিত্তকং. দেসেন্তো, দোমনস্সিকো অঞ্ঞেহি ভিংসাপনাদীনি কত্ৰা আপত্তিং আপজ্জিত্ৰাতি অধিপ্পাযো.