৭. সংৰিধানসিক্খাপদৰণ্ণনা

৪১২. ‘‘তেন খো পন সমযেন অঞ্ঞতরা ইত্থী’’তি চ পাঠো অত্থি, কেসুচি নত্থি. নত্থিভাৰো সুন্দরো ‘‘তেন খো সমযেনা’’তি অধিকারত্তাতি কেচি. ইধ একতোউপসম্পন্না, সিক্খমানা, সামণেরীতি ইমাপি তিস্সো সঙ্গহং গচ্ছন্তি. ইমাসং পন সমযো রক্খতি, অযমিমাসং, মাতুগামস্স চ ৰিসেসো.

৪১৪. অপিচেত্থ ‘‘ৰিঞ্ঞূ পটিবলা’’তি ৰচনতো অপ্পটিবলা অনাপত্তিৰত্থুকাতি একে, তং ন যুত্তং দুক্কটৰত্থুকত্তা. ‘‘ভিক্খু সংৰিদহতি, মাতুগামো ন সংৰিদহতি, আপত্তি দুক্কটস্সা’’তি হি ৰুত্তং. তথা হি উপপরিক্খিতব্বং.

সংৰিধানসিক্খাপদৰণ্ণনা নিট্ঠিতা.