৬. চারিত্তসিক্খাপদৰণ্ণনা

২৯৪. সভত্তোতি নিমন্তনভত্তোতি পোরাণা.

পুরেভত্তঞ্চ পিণ্ডায, চরিত্ৰা যদি ভুঞ্জতি;

সিযা পরম্পরাপত্তি, পচ্ছাভত্তং ন সা সিযা.

পচ্ছাভত্তঞ্চ গমিকো, পুব্বগেহং যদি গচ্ছে;

একে আপত্তিযেৰাতি, অনাপত্তীতি একচ্চে.

কুলন্তরস্সোক্কমনে, আপত্তিমতযো হি তে;

সমানভত্তপচ্চাসা, ইতি আহু ইধাপরে.

মতা গণিকভত্তেন, সমেন্তি নং নিমন্তনে;

ৰিস্সজ্জনং সমানন্তি, একে সম্মুখতাপরে.

সন্নিট্ঠানত্থিকেহেৰ, ৰিচারেতব্বভেদতো;

ৰিঞ্ঞূ চারিত্তমিচ্চেৰ, সিক্খাপদমিদং ৰিদূতি.

চারিত্তসিক্খাপদৰণ্ণনা নিট্ঠিতা.