৮. নাৰাভিরুহনসিক্খাপদৰণ্ণনা

১৮৯. নদিযা কুতো গামন্তরন্তি চে? ‘‘যস্সা নদিযা’’তিআদিমাহ. গামন্তরগণনাযাতি যস্মিং গামতিত্থে আরুল়্হো, তং ঠপেত্ৰা অঞ্ঞগামগণনায. ‘‘মাতুগামোপি ইধ সঙ্গহং গচ্ছতী’’তি আচরিযস্স তক্কো, তেনেৰ ‘‘উভযত্থ একতো উপসম্পন্নায দুক্কটং, সিক্খমানায সামণেরিযা অনাপত্তী’’তি চ ন ৰুত্তং. এসেৰ নযো অঞ্ঞেসুপি এৰরূপেসু.

১৯১. ‘‘লোকস্সাদমিত্তসন্থৰৰসেন কেল়িপুরেক্খারা সংৰিদহিত্ৰা’’তি ৰুত্তত্তা অকুসলচিত্তং লোকৰজ্জন্তি ৰত্তব্বন্তি? ন ৰত্তব্বং, ‘‘কেল়িপুরেক্খারা’’তি ৰচনং যেভুয্যতায ৰুত্তং. পোরাণগণ্ঠিপদে চ ‘‘তীণি চিত্তানি তিস্সো ৰেদনা’’তি ৰুত্তং, সংৰিদহনকালে ৰা কেল়িপুরেক্খারো ভিক্খু সংৰিদহতি, আপত্তি ভিক্খুনো গামন্তরোক্কমনে, অদ্ধযোজনাতিক্কমে ৰা. কুসলচিত্তো ৰা হোতি পচ্চৰেক্খন্তো, চেতিযাদীনি ৰা পস্সন্তো, অব্যাকতচিত্তো ৰা হোতি কিলমথৰসেন নিদ্দাযন্তোতি তিচিত্তানি গহিতানীতি ৰেদিতব্বা.

নাৰাভিরুহনসিক্খাপদৰণ্ণনা নিট্ঠিতা.