৯. পরিপাচিতসিক্খাপদৰণ্ণনা

১৯২. চেটকেতি দারকে. তরুণপোতকেতি পোরাণা. ‘‘পাপভিক্খূনং পক্খুপচ্ছেদায ইদং পঞ্ঞত্তং, তস্মা পঞ্চ ভোজনেযেৰাপত্তি ৰুত্তা’’তি লিখিতং.

১৯৪-৭. নিপ্ফাদিতন্তি ৰিঞ্ঞত্তিযা ন হোতি, কিন্তু পরিকথাদীহি, তস্মা ইমিনা সিক্খাপদেন অনাপত্তি, তং সন্ধায ‘‘সব্বত্থ অনাপত্তী’’তি ৰুত্তং. ‘‘কথানুসারেন তত্থ পসীদিত্ৰা দেন্তি, ইদং পরিপাচিতং ন হোতি, ৰট্টন্তী’’তি পঠমসিক্খাপদে ৰুত্তত্তাতি ধম্মসিরিত্থেরো, উপতিস্সত্থেরো পন ‘‘ইতরম্পি ৰট্টতিযেৰা’’তি আহ. পোরাণগণ্ঠিপদে পন ‘‘যস্মা দেৰদত্তো পকতিযা তত্থ ভিক্খুনিপরিপাচিতং ভুঞ্জতি, তস্মা ইমং অট্ঠুপ্পত্তিং নিদানং কত্ৰা ইদং সিক্খাপদং পঞ্ঞত্ত’’ন্তি ৰুত্তং.

পরিপাচিতসিক্খাপদৰণ্ণনা নিট্ঠিতা.