২. অঞ্ঞৰাদকসিক্খাপদৰণ্ণনা

৯৮-৯. অঞ্ঞং ৰদতীতি অঞ্ঞৰাদকং, ‘‘ৰচনং করেয্যা’’তি লিখিতং. ‘‘তুণ্হীভূতস্সেতং নাম’’ন্তি পাঠো. উগ্ঘাতেতুকামোতি সমোহনিতুকামো, অন্তরাযং কত্তুকামোতি পোরাণা.

১০০. ‘‘সুদিট্ঠো ভন্তে, ন পনেসো কহাপণোতিআদীসু অনারোপিতে দুক্কটেন মুসাৰাদপাচিত্তিযং, অরোপিতে পাচিত্তিযদ্ৰযং হোতী’’তি ৰদন্তি, ৰীমংসিতব্বং.

১০২. অধম্মেন ৰা ৰগ্গেন ৰা ন কম্মারহস্স ৰাতি এত্থ ‘‘মযি ৰুত্তে মং ৰা অঞ্ঞং ৰা সঙ্ঘো অধম্মেন ৰা কম্মং, ৰগ্গেন ৰা কম্মং করিস্সতি, ন কম্মারহস্স ৰা মে, অঞ্ঞস্স ৰা কম্মং করিস্সতী’’তি ন কথেতীতি যোজেতব্বং.

অঞ্ঞৰাদকসিক্খাপদৰণ্ণনা নিট্ঠিতা.