২. ফস্সনানত্তসুত্তৰণ্ণনা

৮৬. জাতিপসুতিআরম্মণাদিভেদেন নানাভাৰো ফস্সো. জাতিপচ্চযভেদেন হি পচ্চযুপ্পন্নস্স ভেদো হোতিযেৰ. ধম্মপরিচ্ছেদৰসেন ধাতুদেসনাযং তিস্সো মননমত্তা ধাতুযোৰ মনোধাতুযো. কিরিযামযস্স চিত্তুপ্পত্তিৰিভাগেন পচ্চযুপ্পন্নস্স ৰসেন ধাতুদেসনাযং মননট্ঠেন ধাতুতায সামঞ্ঞতো মনোদ্ৰারাৰজ্জনং ‘‘মনোধাতূ’’তি অধিপ্পেতন্তি ৰুত্তং ‘‘মনোসম্ফস্সো মনোদ্ৰারে পঠমজৰনসম্পযুত্তো’’তিআদি. তস্মাতি যস্মা কামং সম্পটিচ্ছনমনোধাতুঅনন্তরং উপ্পজ্জমানো সন্তীরণৰিঞ্ঞাণধাতুযা সম্পযুত্তো ফস্সোপি মনোসম্ফস্সো এৰ নাম, দুব্বলত্তা পন সো সব্বভৰেসু অসম্ভৰতো চ গহিতো অনৰসেসতো গহণং ন হোতীতি মনোদ্ৰারে জৰনসম্ফস্সো হোতি, তস্মা. অযমেত্থ অত্থোতি অযং ইধ অধিপ্পাযানুগতো অত্থো.

ফস্সনানত্তসুত্তৰণ্ণনা নিট্ঠিতা.