১০. লোকসুত্তৰণ্ণনা

৭০. কিস্মিন্তি কিস্মিং সতি? তস্স পন সন্তভাৰো উপ্পত্তিৰসেনেৰাতি আহ ‘‘কিস্মিং উপ্পন্নে’’তি? লোকো উপ্পন্নোতি ৰুচ্চতি অনুপাদানত্তা লোকসমঞ্ঞায. ছসূতি এত্থাপি এসেৰ নযো সন্থৰন্তি অধিকসিনেহং করোতি অধিকসিনেহৰত্থুভাৰতো অজ্ঝত্তিকাযতনানং. উপাদাযাতি পুব্বকালকিরিযা অপরকালকিরিযং অপেক্খতীতি ৰচনসেসৰসেন কিরিযাপদং গহিতং ‘‘পৰত্ততী’’তি. কিং পন পৰত্ততি? লোকো, লোকসমঞ্ঞাতি অত্থো. ছসূতি ইদং নিমিত্তত্থে ভুম্মং. ছল়াযতননিমিত্তঞ্হি সব্বদুক্খং. অযন্তি সত্তলোকো. উপ্পন্নো নাম হোতি ছল়াযতনং নাম মূলং সব্বদুক্খানন্তি কত্ৰা. বাহিরেসু আযতনেসু সন্থৰং করোতি ৰিসেসতো রূপাদীনং তণ্হাৰত্থুকত্তা. যস্মা চক্খাদীনং সন্তপ্পনৰসেন রূপাদীনং পরিগ্গহিতত্তা লোকস্স নিসেৰিতায সংৰত্ততি, তস্মা ৰুত্তং ‘‘ছন্নং…পে… ৰিহঞ্ঞতী’’তি.

লোকসুত্তৰণ্ণনা নিট্ঠিতা.

অদ্ধৰগ্গৰণ্ণনা নিট্ঠিতা.