৫. ধম্মিকাধম্মিকপাতিমোক্খট্ঠপনকথা

৩৮৭. তেন পুগ্গলেনাতি তেন চুদিতকেন পুগ্গলেন. সা ৰিপত্তীতি সীলৰিপত্তিআদিসঙ্খাতা সা ৰিপত্তি. সঞ্ঞাঅমূলিকৰসেনাতি ‘‘কতা’’ ইতি সঞ্ঞায অমূলিকৰসেন. কতঞ্চাতি একন্তেন কতঞ্চ. অকতঞ্চাতি একন্তেন অকতঞ্চ.

কোপেতুকামতায নেৰ আগচ্ছতীতি সম্বন্ধো. তেনাতি অনাগমনাদিকারণেন. আপজ্জতীতি পাতিমোক্খট্ঠপনকো আপজ্জতি. ইচ্চস্সাপীতি ইতি এৰং অস্স পাতিমোক্খট্ঠপনকস্সাপি. পচ্চাদিযতীতি পতি আদিযতি, ‘‘অকতং কম্মং, পুন কাতব্বং কম্ম’’ন্তিআদিনা পুন আদীযতি, পুন আরভতীতি অত্থো.