২. দুতিযপারাজিকসিক্খাপদং

৬৬৪. দুতিযে কচ্চি নো সাতি এত্থ নোসদ্দো নুসদ্দত্থোতি আহ ‘‘কচ্চি নু সা’’তি. পরিৰারৰিপত্তীতি পরিজনস্স ৰিনাসনং. ‘‘অকিত্তী’’তি এত্থ সম্মুখা নিন্দং গহেত্ৰা ‘‘অযসো’’তিইমিনা পরম্মুখা নিন্দা গহেতব্বাতি দস্সেতুং ৰুত্তং ‘‘পরম্মুখগরহা ৰা’’তি.

৬৬৬. ‘‘যা পারাজিকং আপন্না’’তিইমিনা ‘‘সা ৰা’’তি এত্থ তসদ্দস্স ৰিসযং দস্সেতি. চতুন্নন্তি নিদ্ধারণত্থে চেতং সামিৰচনং, চতূসূতি অত্থো. পচ্ছাতি সব্বপারাজিকানং পচ্ছা. ইমস্মিং ওকাসেতি পঠমততিযপারাজিকানমন্তরে ঠানে. ঠপিতন্তি সঙ্গীতিকারেহি নিক্খিত্তং. এত্থাতি ইমস্মিং সিক্খাপদে. তত্রাতি দুট্ঠুল্লসিক্খাপদেতি. দুতিযং.