৪. অনাদরিযসিক্খাপদং

৩৪২. চতুত্থে ধম্মো নাম তন্তিযেৰাতি আহ ‘‘তন্তী’’তি. পৰেণীতি তস্সেৰ ৰেৰচনং. ‘‘তং ৰা ন সিক্খিতুকামো’’তি এত্থ তংসদ্দস্স অত্থমাৰিকাতুং ৰুত্তং ‘‘যেন পঞ্ঞত্তেনা’’তি. ৰিনযে অপঞ্ঞত্তং সন্ধায ৰুত্তং ‘‘অপঞ্ঞত্তেনা’’তি আহ ‘‘সুত্তে ৰা অভিধম্মে ৰা আগতেনা’’তি.

৩৪৪. পৰেণিযাতি উপালিআদিকায আচরিযপরম্পরসঙ্খাতায তন্তিযা. কুরুন্দিযং ৰুত্তন্তি সম্বন্ধো. মহাপচ্চরিযং ৰুত্তন্তি সম্বন্ধো. তং সব্বন্তি কুরুন্দিৰাদমহাপচ্চরিৰাদসঙ্খাতং সব্বং তং ৰচনং. পৰেণিযা আগতেতি পৰেণিযা আগতসঙ্খাতে মহাঅট্ঠকথাৰাদেতি. চতুত্থং.

৩৪৫. পঞ্চমে মনুস্সৰিগ্গহেতি মনুস্সৰিগ্গহপারাজিকেতি. পঞ্চমং.