৯. পরঅভিসপনসিক্খাপদৰণ্ণনা

মনুস্সদোভগ্গেন ৰাতি ‘‘কাণা হোমি, কুণী হোমি, ইতরা ৰা ঈদিসা হোতূ’’তিআদিনা মনুস্সৰিরূপভাৰেন. অত্থধম্মঅনুসাসনিপুরেক্খারানন্তি এত্থ অত্থপুরেক্খারাযাতি অট্ঠকথং কথেন্তিযা. ধম্মপুরেক্খারাযাতি পাল়িং ৰাচেন্তিযা. অনুসাসনিপুরেক্খারাযাতি ‘‘ইদানিপি ত্ৰং এদিসা, সাধু ৰিরমস্সু, নো চে ৰিরমসি, অদ্ধা পুন এৰরূপানি কম্মানি কত্ৰা নিরযে উপ্পজ্জিস্সসি, তিরচ্ছানযোনিযা উপ্পজ্জিস্সসী’’তি (পাচি. অট্ঠ. ৮৭৮) এৰং অনুসাসনিযং ঠত্ৰা ৰদন্তিযা.

পরঅভিসপনসিক্খাপদৰণ্ণনা নিট্ঠিতা.