নঅত্তপঞ্ঞত্তিৰণ্ণনা

১১৯. আরদ্ধৰিপস্সকোপীতি সম্পরাযিকৰিপস্সকোপি, তেন বলৰৰিপস্সনায ঠিতং পুগ্গলং দস্সেতি. ন পঞ্ঞপেতি এৰ অবহুস্সুতো পীতি অধিপ্পাযো. তাদিসো হি ৰিপস্সনায আনুভাৰো. সাসনিকোপি ঝানাভিঞ্ঞালাভী ‘‘ন পঞ্ঞপেতী’’তি ন ৰত্তব্বোতি সো ইধ ন উদ্ধটো. ইদানি নেসং অপঞ্ঞাপনে কারণং দস্সেতি ‘‘এতেসঞ্হী’’তিআদিনা. ইচ্চেৰ ঞাণং হোতি, ন ৰিপরীতগ্গাহো তস্স কারণস্স দূরসমুস্সারিতত্তা. অরূপক্খন্ধা ইচ্চেৰ ঞাণং হোতীতি যোজনা.