জাতিজরামরণাদিপদনিদ্দেসৰণ্ণনা
২৩৫. উপপত্তিভৰুপ্পত্তিযেৰ জাতীতি আহ ‘‘ন উপপত্তিভৰো’’তি. জাযমানস্স পন জাতি জাতীতি উপপত্তিভৰোপি অসতি অভাৰা জাতিযা পচ্চযোতি সক্কা ৰত্তুং. জাযমানরূপপদট্ঠানতাপি হি রূপজাতিযা ৰুত্তা ‘‘উপচিতরূপপদট্ঠানো (ধ. স. অট্ঠ. ৬৪১) উপচযো, অনুপ্পবন্ধরূপপদট্ঠানা সন্ততী’’তি.
খন্ধানং জাতানং উঞ্ঞাততানুঞ্ঞাততাচ হীনপণীততা. আদি-সদ্দেন সুৰণ্ণদুব্বণ্ণাদিৰিসেসং সঙ্গণ্হাতি. অজ্ঝত্তসন্তানগততো অঞ্ঞস্স ৰিসেসকারকস্স কারণস্স অভাৰা ‘‘অজ্ঝত্তসন্তানে’’তি আহ.
তেন তেনাতি ঞাতিব্যসনাদিনা জরামরণতো অঞ্ঞেন দুক্খধম্মেন. উপনিস্সযকোটিযাতি উপনিস্সযংসেন, উপনিস্সযলেসেনাতি অত্থো. যো হি পট্ঠানে অনাগতো সতি ভাৰা অসতি চ অভাৰা সুত্তন্তিকপরিযাযেন উপনিস্সযো, সো ‘‘উপনিস্সযকোটী’’তি ৰুচ্চতি.
জাতিজরামরণাদিপদনিদ্দেসৰণ্ণনা নিট্ঠিতা.