১. ৰাদযুত্তিৰণ্ণনা

২৮২. সব্বস্মিং সরীরে সব্বন্তি সিরসি পাদা পচ্ছতো চক্খূনীতি এৰং সব্বং সব্বত্থ অত্থীতি অত্থো. সব্বস্মিং কালেতি বালকালে যুৰতা, ৰুড্ঢকালে বালতা, এৰং সব্বস্মিং কালে সব্বং. সব্বেনাকারেনাতি নীলাকারেন পীতং, পীতাকারেন লোহিতন্তি এৰং. সব্বেসু ধম্মেসূতি চক্খুস্মিং সোতং, সোতস্মিং ঘানন্তি এৰং. অযুত্তন্তি যোগরহিতং ৰদতি, তং পন একসভাৰং. কথং পন একসভাৰস্স যোগরহিততাতি তং দস্সেন্তো ‘‘নানাসভাৰানঞ্হী’’তিআদিমাহ. দ্ৰিন্নঞ্হি নানাসভাৰানং অঙ্গুলীনং মেণ্ডকানং ৰা অঞ্ঞমঞ্ঞযোগো হোতি, ন একস্সেৰ সতো, তস্মা যো নানাসভাৰেসু হোতি যোগো, তেন রহিতং একসভাৰং অযোগন্তি ৰুত্তং. ইদং পুচ্ছতীতি পরৰাদীদিট্ঠিযা মিচ্ছাদিট্ঠিভাৰং গহেত্ৰা উপ্পন্নায অত্তনো দিট্ঠিযা সম্মাদিট্ঠিভাৰো অত্থীতি ৰুত্তং হোতি.

ৰাদযুত্তিৰণ্ণনা নিট্ঠিতা.