১২. কোসিযত্থেরগাথা

৩৭০. ‘‘যো ৰে গরূনং ৰচনঞ্ঞু ধীরো, ৰসে চ তম্হি জনযেথ পেমং;

সো ভত্তিমা নাম চ হোতি পণ্ডিতো, ঞত্ৰা চ ধম্মেসু ৰিসেসি অস্স.

৩৭১. ‘‘যং আপদা উপ্পতিতা উল়ারা, নক্খম্ভযন্তে পটিসঙ্খযন্তং;

সো থামৰা নাম চ হোতি পণ্ডিতো, ঞত্ৰা চ ধম্মেসু ৰিসেসি অস্স.

৩৭২. ‘‘যো ৰে সমুদ্দোৰ ঠিতো অনেজো, গম্ভীরপঞ্ঞো নিপুণত্থদস্সী;

অসংহারিযো নাম চ হোতি পণ্ডিতো, ঞত্ৰা চ ধম্মেসু ৰিসেসি অস্স.

৩৭৩. ‘‘বহুস্সুতো ধম্মধরো চ হোতি, ধম্মস্স হোতি অনুধম্মচারী;

সো তাদিসো নাম চ হোতি পণ্ডিতো, ঞত্ৰা চ ধম্মেসু ৰিসেসি অস্স.

৩৭৪. ‘‘অত্থঞ্চ যো জানাতি ভাসিতস্স, অত্থঞ্চ ঞত্ৰান তথা করোতি;

অত্থন্তরো নাম স হোতি পণ্ডিতো, ঞত্ৰা চ ধম্মেসু ৰিসেসি অস্সা’’তি.

… কোসিযো থেরো….

পঞ্চকনিপাতো নিট্ঠিতো.