১১. সোণকুটিকণ্ণত্থেরগাথা

৩৬৫. ‘‘উপসম্পদা চ মে লদ্ধা, ৰিমুত্তো চম্হি অনাসৰো;

সো চ মে ভগৰা দিট্ঠো, ৰিহারে চ সহাৰসিং.

৩৬৬. ‘‘বহুদেৰ রত্তিং ভগৰা, অব্ভোকাসেতিনামযি;

ৰিহারকুসলো সত্থা, ৰিহারং পাৰিসী তদা.

৩৬৭. ‘‘সন্থরিত্ৰান সঙ্ঘাটিং, সেয্যং কপ্পেসি গোতমো;

সীহো সেলগুহাযংৰ, পহীনভযভেরৰো.

৩৬৮. ‘‘ততো কল্যাণৰাক্করণো, সম্মাসম্বুদ্ধসাৰকো;

সোণো অভাসি সদ্ধম্মং, বুদ্ধসেট্ঠস্স সম্মুখা.

৩৬৯. ‘‘পঞ্চক্খন্ধে পরিঞ্ঞায, ভাৰযিত্ৰান অঞ্জসং;

পপ্পুয্য পরমং সন্তিং, পরিনিব্বিস্সত্যনাসৰো’’তি.

… সোণো কুটিকণ্ণথেরো….