৩. বুদ্ধস্স অনুত্তরভাৰজাননপঞ্হো

৩. রাজা আহ ‘‘ভন্তে নাগসেন, সক্কা জানিতুং ‘বুদ্ধো অনুত্তরো’’’তি? ‘‘আম, মহারাজ, সক্কা জানিতুং ‘ভগৰা অনুত্তরো’’’তি. ‘‘কথং, ভন্তে নাগসেন, সক্কা জানিতুং ‘বুদ্ধো অনুত্তরো’’’তি. ‘‘ভূতপুব্বং, মহারাজ, তিস্সত্থেরো নাম লেখাচরিযো অহোসি, বহূনি ৰস্সানি অব্ভতীতানি কালঙ্কতস্স কথং সো ঞাযতী’’তি. ‘‘লেখেন ভন্তে’’তি. ‘‘এৰমেৰ খো, মহারাজ, যো ধম্মং পস্সতি, সো ভগৰন্তং পস্সতি, ধম্মো হি, মহারাজ, ভগৰতা দেসিতো’’তি.

‘‘কল্লোসি, ভন্তে নাগসেনা’’তি.

বুদ্ধস্স অনুত্তরভাৰজাননপঞ্হো ততিযো.