৩৩০. সীলৰীমংসজাতকং (৪-৩-১০)

১১৭. সীলং কিরেৰ কল্যাণং, সীলং লোকে অনুত্তরং;

পস্স ঘোরৰিসো নাগো, সীলৰাতি ন হঞ্ঞতি.

১১৮. যাৰদেৰস্সহূ কিঞ্চি, তাৰদেৰ অখাদিসুং;

সঙ্গম্ম কুললা লোকে, ন হিংসন্তি অকিঞ্চনং.

১১৯. সুখং নিরাসা সুপতি, আসা ফলৰতী সুখা;

আসং নিরাসং কত্ৰান, সুখং সুপতি পিঙ্গলা.

১২০. ন সমাধিপরো অত্থি, অস্মিং লোকে পরম্হি চ;

ন পরং নাপি অত্তানং, ৰিহিংসতি সমাহিতোতি.

সীলৰীমংসজাতকং দসমং.

কুটিদূসকৰগ্গো ততিযো.

তস্সুদ্দানং –

সমনুস্স -সদুদ্দুভ-যাচনকো, অথ মেণ্ডৰরুত্তম-গোধৰরো;

অথ কাযসকেপুক ভোতীৰরো, অথ রাধসুসীলৰরেন দসাতি.