১০. পাপনিৰারিযত্থেরঅপদানং

৫১. ‘‘পিযদস্সিস্স ভগৰতো, চঙ্কমং সোধিতং মযা;

নল়কেহি পটিচ্ছন্নং, ৰাতাতপনিৰারণং.

৫২. ‘‘পাপং ৰিৰজ্জনত্থায, কুসলস্সুপসম্পদা;

কিলেসানং পহানায, পদহিং সত্থু সাসনে.

৫৩. ‘‘ইতো একাদসে কপ্পে, অগ্গিদেৰোতি ৰিস্সুতো;

সত্তরতনসম্পন্নো, চক্কৰত্তী মহব্বলো.

৫৪. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা পাপনিৰারিযো [ৰাতাতপনিৰারিযো (?)] থেরো ইমা গাথাযো অভাসিত্থাতি.

পাপনিৰারিযত্থেরস্সাপদানং দসমং.

হত্থিৰগ্গো বাৰীসতিমো.