১০. পল্লঙ্কদাযকত্থেরঅপদানং

৪৮. ‘‘সুমেধস্স ভগৰতো, লোকজেট্ঠস্স তাদিনো;

পল্লঙ্কো হি মযা দিন্নো, সউত্তরসপচ্ছদো.

৪৯. ‘‘সত্তরতনসম্পন্নো, পল্লঙ্কো আসি সো তদা;

মম সঙ্কপ্পমঞ্ঞায, নিব্বত্ততি সদা মম.

৫০. ‘‘তিংসকপ্পসহস্সম্হি, পল্লঙ্কমদদিং তদা;

দুগ্গতিং নাভিজানামি, পল্লঙ্কস্স ইদং ফলং.

৫১. ‘‘ৰীসকপ্পসহস্সম্হি, সুৰণ্ণাভা তযো জনা;

সত্তরতনসম্পন্না, চক্কৰত্তী মহব্বলা.

৫২. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা পল্লঙ্কদাযকো থেরো ইমা গাথাযো অভাসিত্থাতি.

পল্লঙ্কদাযকত্থেরস্সাপদানং দসমং.

ছত্তৰগ্গো পন্নরসমো.