১. পঠমসিক্খাপদৰণ্ণনা

১১৮১. ছত্তৰগ্গস্স পঠমসিক্খাপদে – সকিম্পি ধারেতি আপত্তি পাচিত্তিযস্সাতি মগ্গগমনে একপযোগেনেৰ দিৰসম্পি ধারেতি, একাৰ আপত্তি. সচে কদ্দমাদীনি পত্ৰা উপাহনা ওমুঞ্চিত্ৰা ছত্তমেৰ ধারেন্তী গচ্ছতি, দুক্কটং. অথাপি গচ্ছাদীনি দিস্ৰা ছত্তং অপনামেত্ৰা উপাহনারুল়্হাৰ গচ্ছতি, দুক্কটমেৰ. সচে ছত্তম্পি অপনামেত্ৰা উপাহনাপি ওমুঞ্চিত্ৰা পুন ধারেতি, পুন পাচিত্তিযং. এৰং পযোগগণনায আপত্তিযো ৰেদিতব্বা. সেসং উত্তানমেৰ. এল়কলোমসমুট্ঠানং – কিরিযং, নোসঞ্ঞাৰিমোক্খং, অচিত্তকং, পণ্ণত্তিৰজ্জং, কাযকম্মং, তিচিত্তং, তিৰেদনন্তি.

পঠমসিক্খাপদং.