২. অঙ্গুলিপতোদকসিক্খাপদৰণ্ণনা

৩৩০. দুতিযে – অঙ্গুলিপতোদকেনাতি অঙ্গুলীহি উপকচ্ছকাদিঘট্টনং ৰুচ্চতি. উত্তসন্তোতি অতিহাসেন কিলমন্তো. অনস্সাসকোতি উপচ্ছিন্নঅস্সাসপস্সাসসঞ্চারো হুত্ৰা. অনুপসম্পন্নং কাযেন কাযন্তি এত্থ ভিক্খুনীপি অনুপসম্পন্নট্ঠানে ঠিতা, তম্পি খিড্ডাধিপ্পাযেন ফুসন্তস্স দুক্কটং. সেসমেত্থ উত্তানমেৰ.

পঠমপারাজিকসমুট্ঠানং – কিরিযং, সঞ্ঞাৰিমোক্খং, সচিত্তকং, লোকৰজ্জং, কাযকম্মং, অকুসলচিত্তং, দ্ৰিৰেদনন্তি.

অঙ্গুলিপতোদকসিক্খাপদং দুতিযং.