৮. কম্মকথাৰণ্ণনা

৮৮৯-৮৯১. ইদানি কম্মকথা নাম হোতি. তত্থ ‘‘যস্মা দিট্ঠধম্মৰেদনীযাদীনি দিট্ঠধম্মৰেদনীযট্ঠাদীহি নিযতানি, তস্মা সব্বে কম্মা নিযতা’’তি যেসং লদ্ধি, সেয্যথাপি তেসঞ্ঞেৰ; তে সন্ধায পুচ্ছা সকৰাদিস্স, পটিঞ্ঞা ইতরস্স. দিট্ঠধম্মৰেদনীযট্ঠেন নিযতন্তি এত্থ দিট্ঠধম্মৰেদনীযং দিট্ঠধম্মৰেদনীযট্ঠমেৰ. সচে দিট্ঠেৰ ধম্মে ৰিপাকং দাতুং সক্কোতি দেতি, নো চে অহোসিকম্মং নাম হোতীতি ইমমত্থং সন্ধায পটিঞ্ঞা সকৰাদিস্স. মিচ্ছত্তসম্মত্তনিযামৰসেন পনেতং অনিযতমেৰাতি সব্বং হেট্ঠা ৰুত্তনযেনেৰ ৰেদিতব্বন্তি.

কম্মকথাৰণ্ণনা.

একৰীসতিমো ৰগ্গো.