১১. অৰিঞ্ঞত্তি দুস্সীল্যন্তিকথাৰণ্ণনা

৬০৩-৬০৪. ইদানি অৰিঞ্ঞত্তি দুস্সীল্যন্তিকথা নাম হোতি. তত্থ চিত্তৰিপ্পযুত্তং অপুঞ্ঞূপচযঞ্চেৰ আণত্তিযা চ পাণাতিপাতাদীসু অঙ্গপারিপূরিং সন্ধায ‘‘অৰিঞ্ঞত্তি দুস্সীল্য’’ন্তি যেসং লদ্ধি, সেয্যথাপি মহাসংঘিকানং, তে সন্ধায পুচ্ছা সকৰাদিস্স, পটিঞ্ঞা ইতরস্স. অথ নং ‘‘সচে সা দুস্সীল্যং, পাণাতিপাতাদীসু অঞ্ঞতরা সিযা’’তি চোদেতুং পাণাতিপাতোতিআদিমাহ. পাপকম্মং সমাদিযিত্ৰাতি ‘‘অসুকং নাম ঘাতেস্সামি, অসুকং ভণ্ডং অৰহরিস্সামী’’তি এৰং পাপসমাদানং কত্ৰা. উভো ৰড্ঢন্তীতি পুট্ঠো দানক্খণে পাপস্স অনুপ্পত্তিং সন্ধায পটিক্খিপতি. দুতিযং পুট্ঠো চিত্তৰিপ্পযুত্তং পাপূপচযং সন্ধায পটিজানাতি. সেসমেত্থ পরিভোগমযকথাযং ৰুত্তনযেনেৰ ৰেদিতব্বং. লদ্ধিপতিট্ঠাপনম্পিস্স পাপসমাদিন্নপুব্বভাগমেৰ সাধেতি; ন অৰিঞ্ঞত্তিযা দুস্সীলভাৰন্তি.

অৰিঞ্ঞত্তি দুস্সীল্যন্তিকথাৰণ্ণনা.

দসমো ৰগ্গো.

দুতিযপণ্ণাসকো সমত্তো.