১০. ৰিঞ্ঞত্তি সীলন্তিকথাৰণ্ণনা

৬০১-৬০২. ইদানি ৰিঞ্ঞত্তি সীলন্তিকথা নাম হোতি. তত্থ কাযৰিঞ্ঞত্তি কাযকম্মং, ৰচীৰিঞ্ঞত্তি ৰচীকম্মন্তি গহিতত্তা ‘‘ৰিঞ্ঞত্তি সীল’’ন্তি যেসং লদ্ধি, সেয্যথাপি মহাসংঘিকানঞ্চেৰ সম্মিতিযানঞ্চ; তে সন্ধায ৰিঞ্ঞত্তীতি পুচ্ছা সকৰাদিস্স, পটিঞ্ঞা ইতরস্স. অথ নং যস্মা সীলং নাম ৰিরতি, ন রূপধম্মো, তস্মা তেনত্থেন চোদেতুং পাণাতিপাতা ৰেরমণীতিআদিমাহ. অভিৰাদনং সীলন্তিআদি যথারূপং ৰিঞ্ঞত্তিং সো ‘‘সীল’’ন্তি মঞ্ঞতি তং উদ্ধরিত্ৰা দস্সেতুং ৰুত্তং. যস্মা পন সা ৰিরতি ন হোতি, তস্মা পুন পাণাতিপাতাতিআদিমাহ. লদ্ধি পনস্স ছলেন পতিট্ঠিতত্তা অপ্পতিট্ঠিতাযেৰাতি.

ৰিঞ্ঞত্তি সীলন্তিকথাৰণ্ণনা.