১০. চতুত্থঅনাগতভযসুত্তৰণ্ণনা

৮০. দসমে কল্যাণকামাতি সুন্দরকামা. রসগ্গানীতি উত্তমরসানি. সংসট্ঠা ৰিহরিস্সন্তীতি পঞ্চৰিধেন সংসগ্গেন সংসট্ঠা ৰিহরিস্সন্তি. সন্নিধিকারপরিভোগন্তি সন্নিধিকতস্স পরিভোগং. ওল়ারিকম্পি নিমিত্তন্তি এত্থ পথৰিং খণন্তোপি খণাহীতি আণাপেন্তোপি পথৰিযং ওল়ারিকং নিমিত্তং করোতি নাম. তিণকট্ঠসাখাপলাসং ছিন্দন্তোপি ছিন্দাতি আণাপেন্তোপি হরিতগ্গে ওল়ারিকং নিমিত্তং করোতি নাম. আজীৰত্থায পণ্ণনিৰাপআদীনি গাহাপেন্তো ফলানি ওচিনন্তে ৰা ওচিনাপেন্তেন ৰত্তব্বমেৰ নত্থি. ইমেসু চতূসু সুত্তেসু সত্থারা সাসনে ৰুদ্ধিপরিহানি কথিতাতি.

যোধাজীৰৰগ্গো ততিযো.