১০. সুগতৰিনযসুত্তৰণ্ণনা

১৬০. দসমে দুগ্গহিতন্তি উপ্পটিপাটিযা গহিতং. পরিযাপুণন্তীতি ৰল়ঞ্জেন্তি কথেন্তি. পদব্যঞ্জনেহীতি এত্থ পদমেৰ অত্থস্স ব্যঞ্জনতো ব্যঞ্জনন্তি ৰুত্তং. দুন্নিক্খিত্তস্সাতি দুট্ঠু নিক্খিত্তস্স উপ্পটিপাটিযা ঠপিতস্স. অত্থোপি দুন্নযো হোতীতি অট্ঠকথা নীহরিত্ৰা কথেতুং ন সক্কা হোতি. ছিন্নমূলকোতি মূলভূতানং ভিক্খূনং উপচ্ছিন্নত্তা ছিন্নমূলকো. অপ্পটিসরণোতি অপ্পতিট্ঠো. বাহুলিকাতি পচ্চযবাহুল্লায পটিপন্না. সাথলিকাতি তিস্সো সিক্খা সিথিলগ্গহণেন গণ্হনকা. ওক্কমনে পুব্বঙ্গমাতি পঞ্চ নীৰরণানি অৰগমনতো ওক্কমনন্তি ৰুচ্চন্তি, তত্থ পুব্বঙ্গমাতি অত্থো. পৰিৰেকেতি তিৰিধে ৰিৰেকে. নিক্খিত্তধুরাতি নিব্বীরিযা. ইমিনা নযেন পন সব্বত্থ অত্থো ৰেদিতব্বো.

ইন্দ্রিযৰগ্গো পঠমো.