(৪) তিস্সো অকুসলধাতুযো

৯১২. তত্থ কতমা তিস্সো অকুসলধাতুযো? কামধাতু, ব্যাপাদধাতু, ৰিহিংসাধাতু.

তত্থ কতমা কামধাতু? কামৰিতক্কো কামধাতু. ব্যাপাদৰিতক্কো ব্যাপাদধাতু. ৰিহিংসাৰিতক্কো ৰিহিংসাধাতু.

(ক) তত্থ কতমো কামৰিতক্কো? কামপটিসংযুত্তো তক্কো ৰিতক্কো মিচ্ছাসঙ্কপ্পো – অযং ৰুচ্চতি ‘‘কামৰিতক্কো’’.

(খ) তত্থ কতমো ব্যাপাদৰিতক্কো? ব্যাপাদপটিসংযুত্তো তক্কো ৰিতক্কো মিচ্ছাসঙ্কপ্পো – অযং ৰুচ্চতি ‘‘ব্যাপাদৰিতক্কো’’.

(গ) তত্থ কতমো ৰিহিংসাৰিতক্কো? ৰিহিংসাপটিসংযুত্তো তক্কো ৰিতক্কো মিচ্ছাসঙ্কপ্পো – অযং ৰুচ্চতি ‘‘ৰিহিংসাৰিতক্কো’’. ইমা তিস্সো অকুসলধাতুযো.