ল়কারন্তধাতু
তল় তাল়নে. তাল়েতি, তাল়যতি. পতাল়েতি, পতাল়যতি. তাল়ং. তাল়ন্তি কংসতাল়াদি.
তল় আঘাতে. পুব্বে ৰিয রূপানি.
খল় ভেদে. খল়েতি, খল়যতি.
ইল় থৰনে. ইল়েতি, ইল়যতি.
জুল় পেরণে. জোল়েতি, জোল়যতি.
পীল় অৰগাহনে. পীল়েতি, পীল়যতি. নিপ্পীল়েতি, নিপ্পীল়যতি. পীল়নকো, পীল়িতো, পীল়া, পীল়নং, নিপ্পীল়নকো.
লল় উপসেৰাযং. লাল়েতি, লাল়যতি. উপলাল়েতি, উপলাল়যতি. ভূৰাদিগণট্ঠায পন ৰিলাসনত্থে ৰত্তমানায এতিস্সা ‘‘লল়তী’’তি রূপং.
সিল় সেল়নে. সেল়েতি, সেল়যতি. সেল়েন্তো. এত্থ সেল়েতীতি সেল়িতসদ্দং করোতি.
অৰগ্গন্তধাতুরূপানি.
চুরাদী এত্তকা দিট্ঠা, ধাতৰো মে যথাবলং;
সুত্তেস্ৰঞ্ঞেপি পেক্খিত্ৰা, গণ্হৰ্হো অত্থযুত্তিতো.
চুরপমুখগণো মে সাসনত্থং পৰুত্তো,
সুপচুরহিতকামো তম্পি সিক্খেয্য ধীরো;
সুপচুরনযপাঠে সত্থুনো তঞ্হি সিক্খং,
পিযুসমিৰ মনুঞ্ঞং অত্থসারং লভেথ.
ইতি নৰঙ্গে সাট্ঠকথে পিটকত্তযে ব্যপ্পথগতীসু ৰিঞ্ঞূনং
কোসল্লত্থায কতে সদ্দনীতিপ্পকরণে
চুরাদিগণপরিদীপনো অট্ঠারসমো পরিচ্ছেদো.