হকারন্তধাতু

অরহ পূজাযং. অরহেতি, অরহযতি. অরহা, অরহং. ‘‘অরহা, খীণাসৰো, অসেক্খো’’তি অরহতো নামানি.

সিনেহ সিনেহনে. সিনেহেতি, সিনেহযতি.

ৰরহ হিংসাযং. ৰরহেতি, ৰরহযতি. ৰরাহো.

ৰরাহোতি সূকরোপি হত্থীপি ৰুচ্চতি. ‘‘এণেয্যা চ ৰরাহা চা’’তি এত্থ হি সূকরো ‘‘ৰরাহো’’তি ৰুত্তো, ‘‘মহাৰরাহস্স…পে… নদীসু জগ্গতো’’তি এত্থ পন হত্থী ‘‘ৰরাহো’’তি.

রহ চাগে. রহেতি, রহযতি.

চহ পরিকত্থনে. চহেতি, চহযতি.

মহ পূজাযং. মহেতি, মহযতি. মহিতো রাজা মহারাজা. ৰিহারমহো, চেতিযমহো.

পিহ ইচ্ছাযং. পিহেতি, পিহযতি. পিহা, পিহালু, অপিহো, পিহনীযা ৰিভূতিযো.

কুহ ৰিম্হাপনে. কুহেতি, কুহযতি. কুহকো. কুহযতি লোকৰিম্হাপনং করোতীতি কুহকো. কুহনা.

সহ পরিসহনে. পরিসহনং খন্তি. সহেতি, সহযতি. সহনং. ভূৰাদিগণিকস্স পনস্স ‘‘সহতী’’তি রূপং.

গরহ ৰিনিন্দনে. গরহেতি, গরহযতি. গরহা. ভূৰাদিগণিকস্স পনস্স ‘‘গরহতী’’তি রূপং.

হকারন্তধাতুরূপানি.