৪৪. কিম্হা

ননু সুত্তে সঙ্খ্যাযন্তি ন ৰুত্তং কত্যাদযো চ পযোগা সঙ্খ্যা পরিমাণেযেৰ দিস্সন্তি কথং নামেত্থাযং ৰিধীতি আহ- ‘বহুলে’চ্চাদি. সঙ্খ্যাপরিমাণেযেৰাযং ৰিধীতি কিং সদ্দে সঙ্খ্যাপরিমাণ ৰিসযেযেৰ ৰত্তমানে অযং রত্যাদিকো ৰিধীতি অত্থো, ননু চেত্থ কিং সদ্দো পঞ্হে ৰত্তমানো কথং সঙ্খ্যাপরিমাণে ৰত্ততেতি ৰুচ্চতে, যজ্জপি সঙ্খ্যাপরিমাণে ন ৰত্ততে, তথাপি সঙ্খ্যাপরিমাণস্স পুচ্ছিযমানত্তা সঙ্খ্যাপরিমাণৰিসযে ৰত্ততে ৰাতি. বহুলাধিকার পযোগসামত্থিযহেতুনিদস্সনে ফলমাহ- ‘যত্রত্ৰি’চ্চাদি, পরিচ্ছেদকত্তেন পরিমাণকত্তেন. অযমেত্থাধিপ্পাযো ‘‘যদাকিমিদং সঙ্খ্যা পরিমাণমেসং দসন্নং ন কিঞ্চি অপ্পকমেৰেতন্তি সঙ্খ্যাপরিমাণমেৰ কিং সদ্দেন নিন্দীযতে, তদাপি সঙ্খ্যা পরিমাণস্স নিন্দীযমানত্তা সঙ্খ্যাপরিমাণৰিসযত্তমেৰেতি খেপে ৰত্তমানাপি কিং সদ্দা রতিচ্চাদি সিযা, বহুলাধিকারাদিতোৰ পনেত্থ ন সিযা’’তি. রকারানুবন্ধা ইসদ্দলোপত্থাতি যোজনা.