৯. মূলাযঅৱিসুদ্ধিনৱকং

১৮২. ‘‘ইধ পন, ভিক্খৱে, ভিক্খু সম্বহুলা সঙ্ঘাদিসেসা আপত্তিযো আপজ্জতি পৰিমাণম্পি অপৰিমাণম্পি, একনামম্পি নানানামম্পি, সভাগম্পি ৱিসভাগম্পি, ৱৱত্থিতম্পি সম্ভিন্নম্পি. সো সঙ্ঘং তাসং আপত্তীনং সমোধানপৰিৱাসং যাচতি. তস্স সঙ্ঘো তাসং আপত্তীনং সমোধানপৰিৱাসং দেতি. সো পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণাযো অপ্পটিচ্ছন্নাযো. সো সঙ্ঘং অন্তৰাআপত্তীনং মূলাযপটিকস্সনং যাচতি. তং সঙ্ঘো অন্তৰাআপত্তীনং মূলায পটিকস্সতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং দেতি; অধম্মেন মানত্তং দেতি, অধম্মেন অব্ভেতি. সো, ভিক্খৱে, ভিক্খু অৱিসুদ্ধো তাহি আপত্তীহি.

‘‘ইধ পন, ভিক্খৱে, ভিক্খু সম্বহুলা সঙ্ঘাদিসেসা আপত্তিযো আপজ্জতি পৰিমাণম্পি অপৰিমাণম্পি, একনামম্পি নানানামম্পি, সভাগম্পি ৱিসভাগম্পি, ৱৱত্থিতম্পি সম্ভিন্নম্পি. সো সঙ্ঘং তাসং আপত্তীনং সমোধানপৰিৱাসং যাচতি. তস্স সঙ্ঘো তাসং আপত্তীনং সমোধানপৰিৱাসং দেতি. সো পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণাযো পটিচ্ছন্নাযো. সো সঙ্ঘং অন্তৰাআপত্তীনং মূলাযপটিকস্সনং যাচতি. তং সঙ্ঘো অন্তৰাআপত্তীনং মূলায পটিকস্সতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং দেতি; অধম্মেন মানত্তং দেতি, অধম্মেন অব্ভেতি. সো, ভিক্খৱে, ভিক্খু অৱিসুদ্ধো তাহি আপত্তীহি.

‘‘ইধ পন, ভিক্খৱে, ভিক্খু সম্বহুলা সঙ্ঘাদিসেসা আপত্তিযো আপজ্জতি পৰিমাণম্পি অপৰিমাণম্পি, একনামম্পি নানানামম্পি, সভাগম্পি ৱিসভাগম্পি, ৱৱত্থিতম্পি সম্ভিন্নম্পি. সো সঙ্ঘং তাসং আপত্তীনং সমোধানপৰিৱাসং যাচতি. তস্স সঙ্ঘো তাসং আপত্তীনং সমোধানপৰিৱাসং দেতি. সো পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণাযো পটিচ্ছন্নাযোপি অপ্পটিচ্ছন্নাযোপি. সো সঙ্ঘং অন্তৰাআপত্তীনং মূলাযপটিকস্সনং যাচতি. তং সঙ্ঘো অন্তৰাআপত্তীনং মূলায পটিকস্সতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং দেতি, অধম্মেন মানত্তং দেতি, অধম্মেন অব্ভেতি. সো, ভিক্খৱে, ভিক্খু অৱিসুদ্ধো তাহি আপত্তীহি.

‘‘ইধ পন, ভিক্খৱে, ভিক্খু সম্বহুলা সঙ্ঘাদিসেসা আপত্তিযো আপজ্জতি পৰিমাণম্পি অপৰিমাণম্পি, একনামম্পি নানানামম্পি, সভাগম্পি ৱিসভাগম্পি, ৱৱত্থিতম্পি সম্ভিন্নম্পি. সো সঙ্ঘং তাসং আপত্তীনং সমোধানপৰিৱাসং যাচতি. তস্স সঙ্ঘো তাসং আপত্তীনং সমোধানপৰিৱাসং দেতি. সো পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জতি অপৰিমাণাযো অপ্পটিচ্ছন্নাযো…পে… অপৰিমাণাযো পটিচ্ছন্নাযো…পে… অপৰিমাণাযো পটিচ্ছন্নাযোপি অপ্পটিচ্ছন্নাযোপি …পে… পৰিমাণাযোপি অপৰিমাণাযোপি অপ্পটিচ্ছন্নাযো. সো সঙ্ঘং অন্তৰাআপত্তীনং মূলাযপটিকস্সনং যাচতি. তং সঙ্ঘো অন্তৰাআপত্তীনং মূলায পটিকস্সতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং দেতি; অধম্মেন মানত্তং দেতি, অধম্মেন অব্ভেতি. সো, ভিক্খৱে, ভিক্খু অৱিসুদ্ধো তাহি আপত্তীহি.

‘‘ইধ পন, ভিক্খৱে, ভিক্খু সম্বহুলা সঙ্ঘাদিসেসা আপত্তিযো আপজ্জতি পৰিমাণম্পি অপৰিমাণম্পি, একনামম্পি নানানামম্পি, সভাগম্পি ৱিসভাগম্পি, ৱৱত্থিতম্পি সম্ভিন্নম্পি. সো সঙ্ঘং তাসং আপত্তীনং সমোধানপৰিৱাসং যাচতি. তস্স সঙ্ঘো তাসং আপত্তীনং সমোধানপৰিৱাসং দেতি. সো পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণাযোপি অপৰিমাণাযোপি পটিচ্ছন্নাযো. সো সঙ্ঘং অন্তৰাআপত্তীনং মূলাযপটিকস্সনং যাচতি. তং সঙ্ঘো অন্তৰাআপত্তীনং মূলায পটিকস্সতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং দেতি; অধম্মেন মানত্তং দেতি, অধম্মেন অব্ভেতি. সো, ভিক্খৱে, ভিক্খু অৱিসুদ্ধো তাহি আপত্তীহি.

‘‘ইধ পন, ভিক্খৱে, ভিক্খু সম্বহুলা সঙ্ঘাদিসেসা আপত্তিযো আপজ্জতি পৰিমাণম্পি অপৰিমাণম্পি, একনামম্পি নানানামম্পি, সভাগম্পি ৱিসভাগম্পি, ৱৱত্থিতম্পি সম্ভিন্নম্পি. সো সঙ্ঘং তাসং আপত্তীনং সমোধানপৰিৱাসং যাচতি. তস্স সঙ্ঘো তাসং আপত্তীনং সমোধানপৰিৱাসং দেতি. সো পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণাযোপি অপৰিমাণাযোপি পটিচ্ছন্নাযোপি অপ্পটিচ্ছন্নাযোপি. সো সঙ্ঘং অন্তৰাআপত্তীনং মূলাযপটিকস্সনং যাচতি. তং সঙ্ঘো অন্তৰাআপত্তীনং মূলায পটিকস্সতি ধম্মিকেন কম্মেন অকুপ্পেন ঠানাৰহেন; ধম্মেন সমোধানপৰিৱাসং দেতি; অধম্মেন মানত্তং দেতি; অধম্মেন অব্ভেতি. সো, ভিক্খৱে, ভিক্খু অৱিসুদ্ধো তাহি আপত্তীহি.

মূলাযঅৱিসুদ্ধিনৱকং [সমূলাৱিসুদ্ধিনৱকং (ক.)] নিট্ঠিতং.